Մայդանի հետ համերաշխության կոմիտեի ներկայացուցիչ, ընդդիմադիր Դավիթ Շահնազարյանը «Ազատության» հետ զրույցում գնահատելով Ղրիմի շուրջ ստեղծված իրավիճակը, հայտարարեց, որ Ռուսաստանը իր վարած քաղաքականությամբ հակադրվում է միջազգային հանրությանը և միջազգային իրավունքին:
«Ղրիմում նախ Ռուսաստանի հատուկ ծառայությունները զավթեցին Ղրիմի խորհրդարանի շենքը, այնուհետև Ռուսաստանն իրականացրեց ագրեսիա, օկուպացրեց Ղրիմը, և ընդունվեց հանրաքվեի մասին որոշումը, որը օրինականության հետ որևէ կապ ունենալ չի կարող: Առավելագույնը, որին կարող է հասնել Ռուսաստանը, Ղրիմը կստանա Հարավային Օսեթիայի չճանաչված կարգավիճակը: Իսկ ըստ միջազգային իրավունքի՝ դա ագրեսիա է և օկուպացիա Ռուսաստանի կողմից»,- ասաց Շահնազարյանը:
Հարցին, թե այդուհանդերձ կարծո՞ւմ է, որ Ղրիմը հանրաքվեով կառանձնանա Ուկրաինայից, Շահնազարյանը պատասխանեց․- «Ընդգծում եմ՝ հանրաքվեն որևէ օրինական ուժ չունի»:
Անդրադառնալով Ղրիմի շուրջ ստեղծված իրավիճակի հնարավոր ազդեցություններին տարածաշրջանում, և մասնավորապես Հայաստանում ընդդիմադիր գործիչը նկատեց, որ «Հայաստանը դե ֆակտո մաս է կազմել ռուսական կայսրապետությանը, իսկ Ռուսաստանը գնում է միջազգային քաղաքական և տնտեսական մեկուսացման»:
Կարդացեք նաև
Հովհաննես Շողիկյան
Նյութի մանրամասները կարդացեք «Ազատություն» ռադիոկայանի կայքում
