«Դեմ ենք պարտադիրին» նախաձեռնության անդամների բողոքի ակցիան ավարտվեց ոստիկանության Երեւանի կենտրոնի բաժանմունքի դիմաց: Այստեղ նրանք պահանջում էին ազատ արձակել այսօրվա բողոքի ակցիայի ժամանակ ֆինանսների նախարարության առջեւից բերման ենթարկված իրենց երեք ընկերներին:
Ֆինանսների նախարարությունից ցուցարարներն այսօր երթով հասան կենտրոնի ոստիկանական բաժանմունք, նրանց հետ երթով քայլեցին նաեւ ոստիկանները` Երեւանի փոխոստիկանապետ Վալերի Օսիպյանի գլխավորությամբ:
Երթի ժամանակ փոխոստիկանապետ Վալերի Օսիպյանի թիկունքին փակցրած էր «Դեմ եմ պարտադիրին» սոսնձվող պիտակը: Տեւական ժամանակ նա այդ պիտակը թիկունքին քայլեց: Նրա թիկունքից պիտակը հեռացրին նրա գործընկերները:
Կարդացեք նաև
Նա զայրացավ ու ասաց, որ պատրաստ է կրծքին էլ փակցնի այդ պիտակը, եթե դա ոմանց կարող է ուրախացնել:
Բերման ենթարկվածներին ազատ արձակեցին: Նրանց հավաքվածները դիմավորում էին ծափերով, սուլոցներով եւ հերոս գոչյուններով:
Բերման ենթարկվածների նկատմամբ կազմվել է ոստիկանի օրինական պահանջը չկատարելու մասին վարչական արձանագրություն:
Արփինե ՍԻՄՈՆՅԱՆ
