Այս պահին Վարչական դատարանում ընթանում է ոստիկանությունն ընդդեմ Վարդգես Գասպարիի հայցի քննությունը` դատավոր Աղասի Դարբինյանի նախագահությամբ: Ոստիկանությունը հայց է ներկայացրել Վարչական դատարան Վարչական իրավախախտումների վերաբերյալ ՀՀ օրենսգրքի 172.3 եւ 182-րդ հոդվածով նախատեսված վարչական պատասխանատվության ենթարկելու պահանջով՝ 2013 թվականի օգոստոսի 23-ին Երեւանի քաղաքապետարանի տարածքում ոստիկանության ցուցումները չկատարելու եւ ոստիկանությանը վիրավորելու համար:
«Վալերի Օսիպյանին անվանել եմ ստոր, սրիկա, հանցագործ, գուցե այլ բառեր էլ եմ օգտագործել, գտնում եմ, որ դրանք համապատասխանում են իրականությանը»,- ասաց պատասխանող Վարդգես Գասպարին եւ դատարանին փոխանցեց տեսագրություն, որը որ տարածվել է լրատվամիջոցներով եւ որը, ըստ պատասխանողի, կապացուցի իր ասածի ճշմարտացիությունը:
Մանրամասները՝ ավելի ուշ:
Հռիփսիմե ՀՈՎՀԱՆՆԻՍՅԱՆ
