Հատված ԱՐՓԻՆԵ ՀՈՎՀԱՆՆԻՍՅԱՆ (ԱԺ ՀՀԿ խմբակցության անդամ) հարցազրույցից:
– Շա՞տ է ծեծել կյանքը Ձեզ։
– Այնքան, որ բավականաչափ հասունանամ առածս դասերից։
– Լա՞ց եք եղել։
Կարդացեք նաև
– Շատ հաճախ՝ այո։
– Էդ «պատերազմից» դուրս եք եկել մաքրվա՞ծ, թե՞ հաղթած։
– Երբեմն՝ մաքրված, երբեմն՝ հաղթած։
– Դուք երջանի՞կ կին եք։
– Ես ինձ երջանիկ եմ համարում։
– Ձեզ տղամարդի՞կ են երջանկացնում, թե՞ ինքներդ Ձեր ներսում ունեք այդ գեներացիան և ինքնաբավ եք։
– Ես ինձ ինքնաբավ եմ համարում, լրացուցիչ պատճառներ և ազդակներ չեմ փնտրում երջանիկ լինելու համար։ Բոլորը կամ ինչ-որ մարդիկ ու հանգամանքներ կարող են առիթ լինել երջանիկ լինելու համար, բայց ոչ ամենևին պատճառ։
– Իսկ երբևէ հանդիպե՞լ եք Ձեր երազանքների տղամարդուն։
– Եթե հանդիպած լինեի, թերևս, արդեն ամուսնացած կլինեի։
– Ոչ միշտ են ամուսնությունները երազանքի տղամարդու հետ լինում, եթե ոչ հակառակը։
– Գիտեմ։ Բայց ես չեմ հանդիպել այն տղամարդուն, որի հետ չեմ կարողացել ամուսնանալ, դրա համար էլ դեռ հանդիպելու եմ իմ երազանքի տղամարդուն, որի հետ, հուսով եմ, կամուսնանամ։
Կարմեն ԴԱՎԹՅԱՆ
Հարցազրույցն ամբողջությամբ կարող եք կարդալ «Իրատես de facto» թերթի այսօրվա համարում
