Aravot.am-ը մարտի 4-ին իր կայքում գրել էր, որ Երեւանում ընթացող շախմատի տղամարդկանց Եվրոպայի անհատական 15-րդ առաջնության պաշտոնական կայքէջը (www.eicc2014.am) ամենայն հավանականությամբ հաքերային հարձակման է ենթարկվում:
Նույն օրը երեկոյան Հայաստանի շախմատային ֆեդերացիան իր chessfed.am կայքում տեղադրել է «Հայցում ենք ձեր ներողամտությունը» վերտառությամբ հետեւյալ հայտարարությունը. «Եվրոպայի շախմատի առաջնության հարգելի հետեւորդներ, բազմաթիվ հաքերային հարձակումների պատճառով որոշակի խնդիրներ էին առաջացել խաղերի ուղիղ հեռարձակման հետ կապված: Ուստի, հայցում ենք ձեր ներողամտությունը եւ հավաստիացնում, որ մեր մասնագետները անում են հնարավոր ամեն բան հեռարձակման բարձր որակ ապահովելու համար»:
Ոչ պաշտոնական տեղեկություններով Եվրոպայի առաջնության հենց առաջին օրը հաքերները փորձել են կայքը գերծանրաբեռնելով «խլացնել»` կազմակերպելով մեկ վայրկյանում 75 հազար մուտք:
Աշոտ ՀԱԿՈԲՅԱՆ
Կարդացեք նաև
Լուսանկարը` dreamstime-ի
