«Այս պահի դրությամբ խնդիրը լուծված է, տեխնիկական որոշ խնդիրներ կային, սակայն այսօր մարդիկ նորմալ օգտվում են»,-Aravot.am-ի հետ զրույցում այսօր վստահեցրին ՎՏԲ բանկի գովազդի եւ հասարակայնության հետ կապերի բաժնից: Երեկ Aravot.am-ը մի շարք քաղաքացիներից դժգոհություններ էր ստացել այն մասին, որ չեն կարողանում ՎՏԲ բանկի միջոցով ստանալ իրենց թոշակներն ու աշխատավարձերը:
Ուշագրավ է, որ քաղաքացիները ամենատարբեր կասկածներ էին հայտնում` սկսած բանկի խնդիրը պայմանավորելով Ուկրաինայում տիրող իրավիճակով, վերջացրած` Ռուսաստանի տնտեսության, ռուբլու արժեզրկման հետ կապված խնդիրներով:
«Կարո՞ղ է մեր փողերը տենց էլ չտան, առնեն թռնեն, ասում են ռուսական բանկ է, դրա համար էլ խնդիրներ ունի»,-մեզ հետ զրույցում այսպիսի մտահոգություն հայտնեց քաղաքացիներից մեկը, որը չէր կարողացել ՎՏԲ-ի բանկոմատից հանել իր թոշակը:
Պատասխանելով քաղաքացիների մտահոգություններին, բանկից հայտնեցին, որ ոչ մի նման խնդիր չկա:
Լուսինե ԲՈՒԴԱՂՅԱՆ
Կարդացեք նաև
