Այսօր «Իրատես de facto» ակումբում քաղաքագետ Լեւոն Շիրինյանը խոսեց Ուկրաինայի եւ տարածաշրջանային զարգացումների թեմայով:
Լեւոն Շիրինյանի ձեւակերպմամբ՝ այսօր Արեւմտյան գեոքաղաքականություն է վարվում, փորձ է արվում Ռուսաստանը շարքից դուրս բերել ու դրա հիմնական ձեւերից մեկը, ըստ նրա՝ Ուկրաինան չեզոքացնելն է:
Լեւոն Շիրինյանը վստահ է, որ Ռուսաստանն այս կռվում չի պարտվի, քանի որ իր համոզմամբ՝ «Ուժային ոչ մի կենտրոն նման պայմաններում երբեւէ չի ոչնչացվել»:
Լեւոն Շիրինյանի խոսքով, ուկրաինական հարցի լուծման տարբեր սցենարներ կան: Դրանցից մեկը հետեւյալն է. այսօր Ուկրաինայում ստեղծում են էթնոկրատիա, ճիշտ այնպես՝ ինչպես Վրաստանում էր:
Կարդացեք նաև
Քաղաքագետը գտնում է, որ հայերի շահերից չի բխում, որ հարեւան երկրներում էթնոկրատիա ձևավորվի: Սցենարներից մեկն էլ, ըստ Լեւոն Շիրինյանի՝ «Ուկրաինայում դիկտատուրայի ստեղծումն է, սակայն այդպիսի բան չի կարող լինել, քանի որ պայմաններ դեռեւս չկան: Մեկ այլ հավանական տարբերակն էլ՝ դա ֆեդերալիզացիան է, քանի որ սա ժողովրդական ցնցումներ չառաջացնող տարբերակ է»,- մտածում է քաղաքագետը:
Լեւոն Շիրինյանը անդրադառնալով Ղրիմի հարցի լուծմանը, այն նաեւ նմանեցնելով ԼՂՀ-ին, ասաց, որ հարցը կարող է լուծվել այնպես, ինչպես եղավ Արցախի պարագայում՝ այսինքն ինքնորոշվեց:
Եվա ՀԱԿՈԲՅԱՆ
