«Ես բարձրագույն կրթությամբ մուրացկան եմ, ուզում եմ արտասահման գնալ ու բուժվել, էլ ուժ չունեմ ֆիզիկապես»,-այսօր կառավարության շենքի դիմաց առողջապահության նախարար Դերենիկ Դումանյանին բռնացրեց ցուցարար մի կին ու բողոքեց:
«Որտեղդ բուժենք, ասա»,- հարցրեց նախարարը:
«Ոտքս ջարդվել էր, երկու ամիս չկարողացա բժշկի գնալ»,- պատմում էր ցուցարար կինը, բայց նրան ընդհատեց նախարարն ու խոստացավ. «Լավ դու մի օր կգաս, քո հետ առանձին կաշխատենք»:
Կնոջը ճամփելուց հետո, նախարարը պատասխանեց լրագրողների հարցերին:
Կարդացեք նաև
Հարցին, թե ինչով էր պայմանավորված ծննդատներում համավճարի համակարգ ներդնելը հետո փոշմանելը, նախարարն ասաց. «Ուսումնասիրեցինք հասարակության կարծիքը, տեսանք՝ միանշանակ չէ այդ հարցի վերաբերյալ եւ հաշվի նստեցինք այդ կարծիքի հետ: Տեսանք , որ խնդիրը լավ նախապատրաստված չէր ու խնդիրներ կարող էին լինել»:
Նա նաեւ ասաց, որ ունեւոր խավի համար էին նախատեսել համավճարը: Պարոն Դումանյանն ասաց, որ իրենց համակարգում կա ստվեր, չնայած վերջին տարիներին էապես նվազեցրել էին: Դիտարկմանը, գուցե բուժաշխատողների աշխատավարձը բարձրացնեք, ասաց՝ այո, հունիսից նախատեսում են բարձրացումներ:
Ցուցարարներից մեկն էլ հեգնեց. «Ի հաշիվ ժողովրդի՞»:
Նախարարն անտեսեց այդ հարցը:
Արփինե ՍԻՄՈՆՅԱՆ
Տեսանյութը` ավելի ուշ
Ստվերը առողջապահության համակարգից կվերանա միմիայն բուժաշխատողին մարդավայել ապրելու համար անհրաժեշտ աշխատավարձ վճարելուց հետո: