«Իմ փորձը վկայում է եւ ես այն կարծիքն ունեմ, որ Ադրբեջանի որեւէ մի քայլ կարվի, որ նա վերադարձվի Հայաստան: Բոլորը գիտեմ, որ գործողությունները անցել են ՄԱԿ-ի լիազորությունների ներքո եւ փնտրվում է այն երկիրը, որը պատրաստ է ընդունել Հակոբին»,- այսօր «Պոստ սկրիպտում» մամուլի ակումբում խոսելով հայ ռազմագերի Հակոբ Ինջիղուլյանի ճակատագրի մասին՝ ասաց «Ընդդեմ իրավական կամայականության» հասարակական կազմակերպության գործադիր տնօրեն Լարիսա Ալավերդյանը:
Նա հույս ունի եւ փորձն էլ դա է վկայում, որ այն անձինք, ովքեր պետք է երրորդ երկիր վերադարձվեն, ավելի մեղմ վերաբերմունքի են արժանանում տվյալ երկրում`խոշտանգումների եւ կտտանքների ենթարկվելու առումով: «Հուսանք, որ Հակոբ Ինջիղուլյանի հանդեպ այդպիսի մեթոդներ, ձեւեր չեն կիրառվում»,- ասաց տիկին Ալավերդյանը:
Բանախոսը նշեց նաեւ, որ ի տարբերություն Ադրբեջանի, Հայաստանում չկա այդ պրակտիկան, որ գերության մեջ եղած մարդուն հետագայում իր երկրում էլ բռնությունների ենթարկեն կամ ոչ պատշաճ պետական-հասարակական-իրավական վերաբերմունքի արժանացնեն: Այնպես որ, այս իմաստով, տիկին Ալավերդյանը խնդիր չի տեսնում հետագայում, Հակոբին երրորդ երկրից Հայաստան վերադարձնելու առումով: «Օր առաջ Հակոբ Ինջիղուլյանի երրորդ երկրում հայտնվելն այսօր լավագույն ելքերից է»,- ասաց Լարիսա Ալավերդյանը:
Նելլի ԳՐԻԳՈՐՅԱՆ
Իհարկե, եթե պետությունը և ազգային որակը այլևս երկրորդ ելքը չունի, ելքը` երրորդ երկիրն է: