Մարտի 5-ին ՀՀԿ երիտասարդական կառույցի Կենտրոն տարածքային կազմակերպությունն իրականացրեց ՀՀ ազգային հերոս Վազգեն Սարգսյանի ծննդյան 55-րդ տարեդարձին նվիրված հուշ-ցերեկույթ։ Երիտասարդները դիտեցին սպարապետին նվիրված ֆիլմ, ընթերցեցին պատառիկներ նրա պատվածքներից, հնչեցին հայրենասիրական երգեր, ասմունք։
ՀՀԿ ԵԿ Կենտրոն տարածքային կազմակերպության ղեկավար Միքայել Սահակյանը վստահություն հայտնեց, որ երիտասարդ ՀՀԿ-ականների մեծամասնությունը կրում է սպարապետ Վազգեն Սարգսյանի պատգամները։ «Նման միջոցառումներն են նաև նպաստում, որպեսզի այն, ինչ ուզում էր Վազգեն Սարգսյանը, ինչի համար նա ծնվեց և մահացավ, կյանքի կոչվի ու զարգանա»,- նշեց Միքայել Սահակյանը՝ ավելացնելով, որ յուրաքանչյուրիս պարտքը պետք է լինի երիտասարդների շրջանում բարձրացնել երկրի, պետության և հայոց բանակի դերն ու նշանակությունը, հայրենիքի հանդեպ պարտքի զգացումը։
ՀՀԿ Կենտրոն երիտասարդական կազմակերպության գաղափարաքարոզչական հանձնաժողովի նախագահ Հայկ Դերզյանն էլ տեղեկացրեց, որ սկսել են «Ճանաչիր ազգի հերոսներին» խորագիրը կրող միջոցառումների շարքը, որի շրջանակներում ներկայացվում են հայ ազգի հերոսներին։ Նրանց գործին ծանոթանալով՝ երիտասարդները փորձում են նաև ազգի նվիրյալների մեջ բոցավառվող և սխրանքների մղող ներքին կրակը ճանաչել ու մշտարթուն պահել։
Կարդացեք նաև
ՀՀԿ երիտասարդական կազմակերպություն
