Կենտրոն եւ Նորք-Մարաշ վարչական շրջանների ընդհանուր իրավասության դատարանում անցյալ տարվա սեպտեմբերի 29-ից վարույթ է ընդունվել Հովհաննես Կուրղինյանի, Սեդրակ Հովհաննիսյանի եւ Լյուդմիլա Հարությունյանի դեմ հարուցված քրեական գործը:
Այն մինչեւ նոյեմբերի 28-ը գտնվել է դատավոր Մխիթար Պապոյանի մոտ, ապա՝ Մեսրոպ Մակյանի:
Ամբաստանյալների նկատմամբ խափանման միջոց է ընտրվել ստորագրություն չբացակայելու մասին:
Նրանցից հիվանդ լինելու պատճառով դատարան չէր ներկայացել Հովհաննես Կուրղինյանը, նաեւ թարգմանիչը, եւ քանի որ դատական դեպարտամենտը մրցույթ է սկսել թարգմանիչների համար, գրեթե բոլոր դատարաններում, ասես, սպասում են մրցույթի ավարտին, որակյալ թարգմանով դատական նիստերն անցկացնելու համար:Այսօրվա նիստը որոշակի ժամկետով հետաձգվեց, որպեսզի թարգմանի եւ ամբաստանյալի ներկայանալուն խոչընդոտ չլինի:
Կարդացեք նաև
Հովհաննես Կուրղինյանը «Պրեմիեր Լիգա» մշակութային հասարակական կազմակերպության նախագահն է և «էնեագրամ» ՍՊ ընկերության տնօրենը: Նա մեղադրվում է՝ չստանալով աշխատավարձ, Գայանե Գրիգորյանի կողմից վարկ ստանալու նպատակով, վերջինիս և նրա մոր՝ Հռիփսիկ Արգուշյանի կողմից «էնեագրամ» ՍՊ ընկերությունում չաշխատելու պայմաններում, 2008թ. օգոստոս ամսին աշխատավարձի չափը կեղծելու և «Կոնվերս բանկ» ՓԲ ընկերություն ներկայացնելու համար:
Սեդրակ Հովհաննիսյանն ըստ մեղադրանքի կողմի, տեղեկանալով, որ ընկերոջ կինը՝ Լյուդմիլա Հարությունյանը, վարկ ստանալու համար.«աոանց աշխատանքի ընդունվելու նպատակի պետք է իրավունք վերապահող պաշտոնական փաստաթուղթ հանդիսացող կեղծ աշխատանքային պայմանագիր կնքի իր ծանոթ, «Պրեմիեր Լիգա» ՄՀԿ-ի նախագահ Հովհաննես Կուրղինյանի հետ», 2008թ. սեպտեմբերին, օժանդակել է հանցագործությանը՝ Հովհ. Կուրղինյանին տրամադրել Լյուդմիլա Հարությունյանի նախկին անձնագրային տվյալներր: Ի դեպ, նախկին անձնագրում Լյուդմիլա Հարությունյանի ազգանունը եղել է Բարսեղյան։
Հովհ. Կուրղինյանը նախաքննության մարմնի տեղեկատվության համաձայն, Լյուդմիլա Հարությունյանի հետ 09.03.2006թ. ամսաթվով վերջինիս հետ կնքել է թիվ 31 ակնհայտ կեղծ աշխատանքային պայմանագիրը՝ նրան «Պրեմիեր Լիգա» ՄՀԿ-ում որպես «Փոքր համայնքների զարգացման միջազգային ծրագրի» ավագ կորդինատոր աշխատանքի ընդունելու և ամսեկան 243.000 ՀՀ դրամ աշխատավարձ վճարելու վերաբերյալ: Լ. Հարությունյանը 2008թ. հոկտեմբերին այդ ներկայացրել է «ԲՏԱ ԻնվեստԲանկ» ՓԲ ընկերություն։
Մեղադրանքը պաշտպանող Երեւան քաղաքի դատախազը միջնորդեց, որպեսզի հաջորդ նիստին բերման ենթարկվեն բացակա ամբաստանյալը, վկաները Պաշտպանական կողմը առարկեց միջնորդության դեմ, հայտնելով, որ ամբաստանյալը միշտ էլ բարեխիղճ կերպով ներկայացել է դատարան, իսկ դատավորը բերման որոշում կայացրեց երկու կին վկաների համար:
Դատական նիստը նշանակվեց մարտի 31-ին:
Ռուզան ՄԻՆԱՍՅԱՆ
