Թուրքիայի Վիրանշեհիր շրջանի Խիրբաբալակ եզդիաբնակ գյուղում մուսուլմանները քանդել են տեղի եզդիական գերեզմանատունը: Այս մասին տեղեկացնում են Գերմանիայում հաստատված եզդիները, ովքեր դեռևս հարազատներ ունեն, որոնք բնակվում են Թուրքիայում: Խիրբաբալակն այն քիչ բնակավայրերից է Թուրքիայում, որտեղ մինչև հիմա ապրում են եզդիներ:
Ինչպես հայտնի է մինչև այսօր էլ թուրքական պետությունը և թուրք հասարակությունը ոտնահարում են եզդիների իրավունքները: Նրանք եզդիներին համարում են մուսուլմանության թշնամիներ: Եզդիների նկատմամբ Թուրքիայում 1915 թվականից հետո հալածանքների մեծ ալիք սկսվեց 1980-ական թվականներին: Այդ ժամանակ եզդիները մեծամասամբ լքեցին իրենց հայրենի օջախները:
Ներկայումս նախկին եզդիաբնակ գյուղերում հիմնականում ապրում են քրդեր: Վերջին շրջանում, տեղի քրդերի հետ հարաբերությունները կարգավորելուց հետո, բազմաթիվ եզդիներ մտադրություն ունեին հետ վերադառնալ իրենց հայրենի բնակավայրերը և վերցնել իրենց ընտանիքներին պատկանող հողերը:
Եզդիական գերեզմանատան քանդումը տեղացիները կապում են եզդիների հնարավոր չվերադարձի հետ: Այս կերպ մեժլումյանները և թուրքական պետությունը փորձում է հիշեցնել, որ եզդիների նկատմամբ թշնամական վերաբերմունքը դեռևս չի մարել ու եզդիների համար Թուրքիա վերադառնալը անվտանգ չէ:
«Սինջար եզդիների ազգային միավորում» հասարակական կազմակերպության լրատվական կենտրոն
