ՀՀ վարչական դատարանը բավարարել է փաստաբան Կրոմվել Գրիգորյանի հայցն ընդդեմ Ճանապարհային ոստիկանության։
Հայաստանի Հանրապետության վարչական դատարանը` նախագահությամբ դատավոր Ռ.Սարգսյանի, մարտի 4-ի վճռով անվավեր է ճանաչել Հայաստանի Հանրապետության ոստիկանության «Ճանապարհային ոստիկանություն» ծառայության պլանավորման, հաշվառման և վերլուծության բաժնի տեսանկարահանման միջոցով հայտնաբերված խախտումների արձանագրման կենտրոնի տեսուչ Սերգեյ Ստեփանյանի՝ 27.06.2013թ. և Հայաստանի Հանրապետության ոստիկանության «Ճանապարհային ոստիկանություն» ծառայության պետի՝ 04.10.2013թ. որոշումները։
Հայաստանի Հանրապետության ոստիկանության «Ճանապարհային ոստիկանություն» ծառայությունից հօգուտ պետական բյուջեի կբռնագանձվի 4000 դրամ պետական տուրքի գումար։ Վարչական դատարանի եզրահանգմամբ, Հայաստանի Հանրապետության ոստիկանության «Ճանապարհային ոստիկանություն» ծառայության կողմից 27.06.2013թ. կայացվել է որոշում, որով 13.06.2013թ.-ին Վարչական իրավախախտումների վերաբերյալ Հայաստանի Հանրապետության օրենսգրքի 1244-րդ հոդվածի 2-րդ մասով նախատեսված իրավախախտում կատարելու համար Կրոմվել Գրիգորյանին նշանակվել է վարչական տույժ` տուգանք 30 000 դրամ։
Հայցվորի փաստարկները` Հայաստանի Հանրապետության ոստիկանության «Ճանապարհային ոստիկանություն» ծառայության 27.06.2013թ. և 04.10.2013թ. որոշումներն անվավեր ճանաչելու վերաբերյալ դատարանը հիմնավոր է համարել:
Կարդացեք նաև
Հոդվածն ամբողջությամբ՝ սկզբնաղբյուր կայքում
