Փետրվարի 15-ին մեկնարկած եւ մարտի 4-ին ավարտված Վենետիկի դիմակահանդեսը քաղաքը վերածել էր միջնադարյան մի հեքիաթի, որը պատկերելու էին շտապել բազմաթիվ լուսանկարիչներ եւ առավել բազմաքանակ զբոսաշրջիկներ:
«Where are you from?» («Որտեղի՞ց եք»),- հետաքրքրվեց գոնդոլյեր Ռոբերտոն: Եվ լսելով, որ Հայաստանից ենք՝ արդեն հայերեն հարցրեց. «Ինչպե՞ս եք»: Կինը հայ էր: Եվ Վենետիկի ջրանցքներով նավարկության ընթացքում, իտալական հայտնի երգերի կատարումների արանքներում Ռոբերտոն պատմում էր, որ կինը՝ տիկին Հովհաննիսյանը Ցեղասպանությունից փրկվածների ժառանգ է, տեղափոխվել են ԱՄՆ, տիկին Հովհաննիսյանը լավ տոլմա է պատրաստում եւ այլն:
Կարդացեք նաև
Յուրաքանչյուր նման զույգի շուրջ անմիջապես խմբվում էին լուսանկարիչները
եւ սկսվում էր ֆոտոսեսիան:
Ինչո՞վ է առավել հայտնի Վենետիկը դիմակահանդեսից, Վիվալդիից, Կազանովայից ու գոնդոլներից բացի: Կուրտիզանուհիներով: Եվ այդ կերպարը շատերն էին վերարտադրել:
Տեսի զերկիրըն Իտալիո, Վենետիկ եւ յուր գոնդոլներ… Կարծես ոչինչ չի փոխվել այս քաղաքում այդ տողերը գրվելուց հետո:
Արդեն հաղորդել ենք, որ լուսանկարում մեր հայրենակիցն է, որն ինչպես ինքը տեղեկացրեց՝ միակ հայն է, որը մասնակցում էր դիմակահանդեսին: Անգամ նրա դիմակահանդեսային զույգն էր ֆրանսիացի:
Դաժան կատակ արեց Երեւանից զանգահարած ընկերս, որին այս պատկերը տեսնելուց հետո ոգեւորված փոխանցեցի. «Չես պատկերացնում՝ այստեղ բոլորը դիմակներով են»… «Մայդանո՞ւմ ես»,- հարցրեց նա:
Վենետիկի հասարակական փոխադրամիջոցներում՝ նավակներում էլ էին բազմաթիվ դիմակահանդեսի մասնակիցները: Այս ամենը տեսնելուց հետո՝ երազանք դարձավ, որ մեր հայրենիքում էլ երբեւէ նման տոն լինի:
Ի դեպ, երբեմն զբոսաշրջիկներն էլ պակաս չէին զգեստավորվում դիմակահանդեսի «արհեստավարժ» մասնակիցներից: Ասենք, այս դեպքում սատանան «արհեստավարժ» էր, իսկ զույգն՝ ուղղակի զբոսաշրջիկ:
Վենետիկի դիմակահանդեսից «Առավոտի» լուսանկարչական ռեպորտաժն ամբողջությամբ դիտեք տեսանյութում
ԱՆՆԱ ԻՍՐԱՅԵԼՅԱՆ
Վենետիկ-Երեւան
