Ամերիկահայ Ներսես Քիլաջյանը Լոս Անջելեսից Սիրիա է մեկնել նախագահ Բաշար ալ-Ասադի կողմից պատերազմին մասնակցելու համար, այդպես է ցույց տալիս Միջին Արևելքի մեդիա հետազոտման ինստիտուտի հրապարակած տեսանյութը, որին անդրադարձել է «Դեյլի Մեյլ» թերթը:
Երկու րոպեանոց տեսանյութում Քիլաջյանը կամ Վայնոն, ինչպես ինքն է իրեն բնութագրում, իր ընկերոջ՝ Քրիփերի հետ, որը կապված է մեքսիկական մաֆիայի հետ, ողջունում են ԱՄՆ իրենց ընկերներին, ցուցադրում իրենց դաջվածքները, կրակում իրենց զենքերից:
Քիլաջյանն իրեն ներկայացնելիս նշում է, որ ինքը «Հայկական ուժ» հանցախմբից է: Ըստ ինստիտուտի, հիմնվելով Քիլաջյանի ֆեյսբուքի էջի վրա, նա այնտեղ է գտնվում 2012թ. դեկտեմբերից:
«Ես ամեն ինչ անում եմ, որ պաշտպանեմ իմ ժողովրդին, միայն իմ ժողովրդին, ու պատրաստ եմ մահանալ դրա համար: Ես սաղ հայերի ցավը տանեմ», – գրել է Քիլաջյանը Ֆեյսբուքում:
Կարդացեք նաև
Պատրաստեց Հովհաննես ԻՇԽԱՆՅԱՆԸ
