Էրեբունի եւ Նուբարաշեն վարչական շրջանների ընդհանուր իրավասության դատարանի դատավոր Գայանե Խաչատրյանն այսօր հրապարակել է Ավագ Գասպարյանի, նրա կնոջ հայցով վճիռը:
Հայցվորներն իրենց հարազատի դեմ էին՝ Ռաֆայել Նալբանդյանի, որից պահանջել էին «փոխառության պայմանագրով սահմանված գումարի» բռնագանձում:
Խոսքը 9 900 000 ՀՀ դրամի բռնագանձման մասին է:
Հայցվորները դատարանին խնդրել էին նաեւ կիրառել հայցի ապահովման միջոց, այն է՝ արգելանք դնել պատասխանողի գույքի վրա:
Կարդացեք նաև
Հայցվորների ներկայացուցիչ Մարտին Զիլֆուղարյանը դատարանին հայտնել էր, որ 2007թ. Էրեբունու նոտարական գրասենյակում իր հայրը՝ Ժորա Գասպարյանն ու Ռաֆայել Նալբանդյանը կնքել են փոխառության պայմանագիր:
Հայցվորի հայրը տվել է պատասխանողին վերոնշյալ գումարը: Հետագայում մահացել է հայցվորի հայրը,. եւ ժառանգները պահանջում են իրենց հոր , ամուսնու գումարը:
Պատասխանող Ռաֆայել Նալբանդյանը չի ունեցել դրամական միջոցներ, որպեսզի իր շահերը դատարանում ներկայացնի որեւէ մի փաստաբան:
Նա տարեց մարդ է, ունի հոգեկան խնդիրներ, ավտովթարից մահացած որդուց հետո: Նա եւ նրա քույրը մեր հետ զրույցի ժամանակ ասացին, որ հայցը չեն ընդունում:
Պատասխանողն ասաց, որ հայցվորի հայրը, որը նաեւ իր մորաքրոջ որդին է, իրեն որեւէ գումար նոտարական գրասենյակում չի տվել:Վրաերթից տուժած որդու վիրահատության համար անհրաժեշտ է եղել գումար, իսկ վարորդից, որպեսզի գումարը ստանար, նա ներկայացրել է տվյալ իրավական փաստաթուղթը դատավոր Մերանգուլյանին: Որդու կյանքը փրկել չի հաջողվել:
Պատասխանողն որպեսզի իր ասածը հաստատվեր, խնդրել էր, որ դատակոչեն հանգուցյալի կնոջը՝ հայցվորի մորը դատարան, որովհետեւ ըստ պատասխանողի, կինը տեսել է, որ գումար չի տվել ամուսինը:Սակայն դատարանը մերժել էր այդ միջնորդությունը:
Դատարանի գործում դրված են մի քանի փաստաթղթեր, համաձայն որի, իբր պատասխանողն իր հարազատից մի քանի անգամ՝ 1998 սեպտեմբերի 10-ին, նոյեմբերի 1-ին, 2002 թ.նոյեմբերի 22-ին վերցրել է գումարներ եւ չի վերադարձրել դրանք:
Դատարանը բավարարել էր հայցը, հանգելով նրան, որ փոխառության պայմանագիրը կնքվում է գրավոր, ի հավաստումը փոխառության պայմանագրի, դրա պայմանների, կարող է ներկայացվել փոխառուի տված ստացականը, կամ փոխառուի կողմից փոխառուին որոշակի դրամական գումար կամ որոշակի քանակի գույք տալը հավաստող այլ փաստաթուղթ:
Դատարանի գնահատմամբ, փոխառության պայմանագիրն առկա էր, այն կնքվել էր 2007թ. նոյեմբերի 6-ին:
Դատարանը հանգել էր նաեւ նրան, որ պատասխանողն ունի հայցվորի ընտանիքի նկատմամբ դեռ չկատարված պարտավորություն:
Աղքատության եզրում հայտնված, որդեկորույս հորից դատարանը կպահի նաեւ 198 000 ՀՀ դրամ պետտուրքը:
Նալբանդյանն այնքան էր իրեն կորցրել, որ չի էլ իմանում, ինչ անի, ինչպես դիմի վերաքննիչ դատարան, քանի որ ոչ մի հնարավորություն չունի:
Ռուզան ՄԻՆԱՍՅԱՆ
