ԵՄ արտաքին գործերի նախարարների խորհուրդը մարտի 3-ի երեկոյան ընդունեց Ուկրաինայի հանդեպ Ռուսաստանի քայլերը դատապարտող և պատժամիջոցներ սահմանող հայտարարություն:
Հայտարարության համաձայն` Եվրոպական միությունը խստորեն դատապարտում է Ուկրաինայի ինքնիշխանության և տարածքային ամբողջականության հանդեպ Ռուսաստանի ոտնձգությունները:
ԵՄ 28 երկրների արտգործնախարարներ իրենց համատեղ հայտարարությունում հիշեցնում են Ռուսաստանին այն բոլոր միջազգային պայմանագրերն ու ակտերը, որով Ռուսաստանը ճանաչում է Ուկրաինայի ամբողջականությունը` համաձայնելով, որ Ղրիմի ինքնավար հանրապետությունը կարող է հանրաքվե անցկացնել միայն տեղական խնդիրների վերաբերյալ, այլ ոչ թե այնպիսի հարցերով, որոնք կարող են փոփոխել Ուկրաինայի տարածքային կառուցվածքը:
ԵՄ կոչ է անում Ռուսաստանին անմիջապես ետ քաշել իր զինված ուժերը Ուկրաինայի տարածքից և խորհրդակցություններ սկսել Ուկրաինայի հետ` համաձայն Բուդապեշտի հուշագրի պայմանների:
Կարդացեք նաև
Ռուսաստանի կողմից իրավիճակը մեղմող քայլերի բացակայության դեպքում ԵՄ խոստանում է դադարեցնել վիզային բանակցությունները Ռուսաստանի հետ, ինչպես նաև կիրառել նպատակային պատժամիջոցներ:
ԵՄ Խորհրդի համատեղ հայտարարությունը նաև նշում է, որ ուշիուշով հետևելու է Ուկրաինական զարգացումներին և պատրաստվում է պատժամիջոցներ կիրառել այն անձանց նկատմամբ, ովքեր պատասխանատու են մարդու իրավունքների խախտումների համար` սառեցնելով նրանց ֆինանսական ակտիվները:
Հոդվածն ամբողջությամբ՝ սկզբնաղբյուր կայքում
