ՆԱՏՕ-ն Ուկրաինայի իրավիճակի հետ կապված մարտի 3-ին Հյուսիսատլանտյան գործընկերության ժողով է հրավիրել: Հայտնում է ուկրաինական «Ինտերֆաքս»-ը:
«Երկուշաբթի տեղի կունենա Ուկրաինայի հարցով Հյուսիսատլանտյան գործընկերության հատուկ ժողով», – հայտնել է Ուկրաինայի արտաքին գործերի նախարարի պաշտոնակատար Անդրեյ Դեշչիցան շաբաթ օրը ճեպազրույցի ժամանակ:
Դեշչիցան նաև տեղեկացրել է, որ Ռուսաստանը հրաժարվել է բանակցություններ վարել Բուդապեշտի հուշագրի շրջանակներում, ըստ որի ԱՄՆ-ը, Մեծ Բրիտանիան և Ռուսաստանը երաշխավորել էին Ուկրաինայի տարածքային ամբողջականությունը:
«Մեզ շատ է անհագստացրել այսօր ստացած մեր տեղեկությունն այն մասին, որ Ռուսաստանը հրաժարվել է մասնացկել Բուդապեշտի հուշագրի շրջանակներում բանակցություններին: Հրավերը մենք ենք ուղարկել: Ե՛վ ԱՄՆ-ը, և՛ Մեծ Բրիտանիան պատրաստ են նման խորհրդակցության, Ռուսաստանը հրաժարվել է», – ասել է նա:
Կարդացեք նաև
1994թ. ստոգրված Բուդապեշտի հուշագրով ԱՄՆ-ը. Մեծ Բրիտանիան և Ռուսաստանը պարտավորվել են հարգել Ուկրաինայի տարածքային ամբողջականությունը և նրա նկատմամբ ագրեսիա չկիրառել միջուկային զենքերը հանձնելու դիմաց:
Պատրաստեց Հովհաննես ԻՇԽԱՆՅԱՆԸ
