Ղրիմի կարգավիճակի հարցով հանրաքվեն կանցկացվի մարտին, հայտնել է ինքնավար հանրապետության նորընտիր վարչապետ Սերգեյ Ասկենովը: Փոխանցում է «ՌԻԱ Նովոստի»-ն:
Ավելի վաղ նախատեսված էր, որ հանրաքվեն պետք է անցկացվի մայիսի 25-ին, Ուկրաինայի նախագահական ընտրությունների քվեարկության օրը:
«Ելնելով ստեղծված իրավիճակից, հասկանալով, որ հակամարտությունը դուրս է եկել ողջամտության սահմաններից՝ մենք որոշել ենք արագացնել հանրաքվեի հետ կապված գործընթացը ու նախատեսում ենք այն անցկացնել այս տարվա մարտին, հանրաքվեի մոտավոր օրը մարտի 30-ն է», – ասել է Ասկենովը շաբաթ օրը նոր կառավարության առաջին նիստի ժամանակ:
Դիմելով թերակղզու ազգային փոքրամասնություններին, մասնավորապես թաթարներին՝ Ասկենովը վստահեցրել է, որ նրանց ոչինչ չի սպառնում. «Այն ինչ տեղի է ունենում այսօր, տեղի է ունենում օրինական դաշտում», – ասել է նա:
Կարդացեք նաև
Ուկրաինական «Ինտերֆաքս»-ի փոխանցամամբ, Ասկենովը դիմել է նաև Ռուսաստանի նախագահ Վլադիմիր Պուտինին՝ խնդրանքով, որ աջակցի Ղրիմում խաղաղությանը:
Պատրաստեց Հովհաննես ԻՇԽԱՆՅԱՆԸ
