ՀԱԿ կուսակցության փոխնախագահ Լեւոն Զուրաբյանը քիչ առաջ Ազատության հրապարակում հանրահավաքի ժամանակ հայտարարեց, որ Սերժ Սարգսյանը արդեն կատարյալ քաղաքական մեկուսացման մեջ է:
Նրա խոսքով, ՀՀ հիմնական քաղաքական ուժերը՝ ՀԱԿ, ԲՀԿ, ՀՅԴ, Ժառանգություն, միասնական ճակատ են ստեղծել այս իշխանությունների դեմ և համագործակցության այս ձևաչափը թույլ է տալիս հավաքել անհրաժեշտ ստորագրություններ՝ ԱԺ-ին պատադրելու ընդունել ժողովրդի օրակարգը: Նա հիշեցրեց, թե չորս ուժերի համախմբվածությունը թույլ է տվել խորհրդարանում քննարկման դնել գազի, Մարտի մեկի հարցերը, կատարել բազմաթիվ աղմկալի բացահայտումներ. «Հերթի մեջ է կառավարությանը անվստահություն հայտնելու հարցը, և ես այլևս չեմ բացառում, որ ինչ-որ պահի չորս ուժերի միասնական ձևաչափը դնի նաև Սերժ Սարգսյանի պաշտոնանկության հարցը: Ամեն դեպքում, ակնհայտ է, որ ԱԺ-ում և Ազատության հրապարակում պայքարի համակցումը էլ ավելի խեղճ վիճակի մեջ է դնելու իշխանությանը և թույլ կտա էլ ավելի նոր բարձունքներից գրոհել ռեժիմի դիրքերի վրա»:
Պարոն Զուրաբյանի խոսքով՝ Սերժ Սարգսյանի հրաժարականն են պահանջում հանրության գրեթե բոլոր հատվածները՝ գործարարների աշխատակիցներ, մտավորականներ, գյուղացիներ, բժիշկներ, ուսուցիչներ. «Բոլորը հասկացել են, որ Սերժ Սարգսյանը կատարելապես ձախողել է ՀՀ պետական կառավարումը, զբաղված է բացառապես թալանով: Սերժ Սարգսյանի և նրա բարեկամական շրջապատի ագահության պատաճռով նա կորցրել է անգամ խոշոր ձեռնարկատերերի աջակցությունը, որոնք տարիներ շարունակ եղել են ռեժիմի հենարանը»՚:
Ըստ պարոն Զուրաբյանի, Սերժ Սարգսյանն այնքան թույլ չի եղել, որքան հիմա, և ստեղծվել են բոլոր նախադրյալները նրա հեռացման գործընթացը սկսկելու համար. «Այսօրվա հանրահավաքի հզորությունը իսկապես ցույց է տալիս, որ եկել է նրա հեռանալու պահը»:
Կարդացեք նաև
Հետո ՀԱԿ փոխնախագահը հարցրեց հրապարկի մասնակիցներին. «Ես կարո՞ղ եմ ասել, որ սա Ազատության հրապարակում հավաքված ողջ ժողովրդի անունի՞ց է»: Հնչեց հավաքվածների դրական պատասխանը, ինչից հետո Զուրաբյանը շարունակեց. «Ձեր այո-ն նշանակում է, որ ՀՀ-ում բոլորի համար եկել է կողմնորոշման պահը, բոլորը պետք որոշեն՝ ժողովրդի հե՞տ են, թե՞ Սերժ Սարգսյանի: Այսօրվանից մեկնարկող քաղաքական գարունը դառնալու է Հայաստանի ճշմարտության պահը: Եվս մեկ երկու նման հանրահավաք, ու մենք Սերժ Սարգսյանին կուղարկենք պատմության գիրկը: Հանուն ազատության, իրենց կյանքը տված հերոսների, Մարտի մեկին զոհվծան մեր եղբայրների, եկեք երդվենք, որ նրանց գործը հասցնելու ենք հաղթական ավարտի և Հայաստանը դարձնելու ենք ազատ, ժողովրդավականա երկիր: Դժվար է գտնել նրանց հիշատակը հարգելու ավելի լավ ձև»:
Արփինե ՍԻՄՈՆՅԱՆ
