Շենգավիթ վարչական շրջանի ընդհանուր իրավասության դատարանում՝ Ալեքսանդր Ազարյանի նախագահությամբ, այսօր սկսվեց պաշտոնեական լիազորությունները չարաշահելու և պաշտոնեական կեղծիք կատարելու մեջ մեղադրվող, ՀՀ ոստիկանության Երևան քաղաքի վարչության Շենգավիթի բաժնի համայնքային ոստիկանության բաժանմունքի տեսուչ էդգար Մելքոնյանի գործով դատավարությունը:
Ամբաստանյալ տեսուչը դատարանին խնդրեց տրամադրել հանրային պաշտպան՝ հայտնելով, որ իր խնամքին են գտնվում կինն ու մեկ տարեկան երեխան և ֆինանսական միջոցների բացակայության պատճառով չի կարող վճարովի փաստաբան ունենալ: Դատարանը կդիմի հանրային պաշտպանի գրասենյակ՝ ամբաստանյալին պաշտպանով ապահովելու նպատակով:
Ըստ մեղադրական եզրակցության՝ Երևան քաղաքի թիվ 7 փոստային բաժանմունքում Երևան քաղաքի բնակիչ Գառնիկ Չոբանյանը հավաքված մարդկանց միջից դուրս գալու ժամանակ հրել և գետնին է գցել Երևան քաղաքի բնակչուհի Լիդա Կաթրջյանին, որի հետևանքով վերջինս կոնքազդրի կոտրվածքի ձևով պատճառվել է առողջությանը միջին ծանրության վնաս պատճառած մարմնական վնասվածք՝ տեղափոխվելով «Արմենիա» բժշկական կենտրոն:
Մանրամասները կարող եք կարդալ` «Փաստինֆո»-ի կայքում
