«Լիբիայում, Սիրիայում և այլ պետություններում միջամտության դեմ հաճախակի հանդես եկած պետության համար անհրաժեշտ է ականջ դնել նման նախազգուշացումներին, երբ այն քննարկում է ինքնիշխան պետության՝ Ուկրաինայի դեմ գործողություններ իրականացնելու տարբերակներ»
Միացյալ Նահանգները զգուշացրել է Ռուսաստանին Ուկրաինայում ռազմական միջամտության անթույլատրելիության մասին՝ մատնանշելով, որ ռազմական միջամտությունը «շատ թանկ սխալ» կդառնա: Վաշինգտոնը միաժամանակ հայտարարել է, որ նախատեսում է Կիևին տրամադրել մեկ միլիարդ դոլար ծավալով վարկային երաշխիքների և ֆինանսական այլ օժանդակություն:
ԱՄՆ-ի արտգործնախարար Ջոն Քերրին Մոսկվային հասցեին նախազգուշացմամբ հանդես է եկել այն բանից հետո, երբ Ռուսատանի նախագահ Վլադիմիր Պուտինը հրամայել էր տագնապով ոտքի հանել 150 հազար զինծառայող՝ Ուկրաինայի սահմանների մոտակայքում մեծածավալ զորավարժությունների անցկացման նպատակով: Այս քայլը դարձել էր Ռուսատանի դաշնակից նախագահ Վիկտոր Յանուկովիչի տապալումից հետո Մոսկվայի կողմից ձեռնարկած ամենահամարձակ քայլը:
Արմեն Հովհաննիսյան
Կարդացեք նաև
Նյութի մանրամասները կարդացեք «Ամերիկայի Ձայն»-ի կայքում
