ՀՀ առողջապահության նախարարի հրամանով հղիության ախտաբանության համավճար չի կիրառվի` հաշվի առնելով հղիության ախտաբանության ստացիոնար բուժման համավճարի ներդրման մեխանիզմների հստակեցման անհրաժեշտությունը:
Նշենք, որ հարցը քննարկվել է նաև բժշկական օգնության որակի և կոռուպցիոն ռիսկերի վերահսկման նպատակով ստեղծված հանձնաժողովի նիստում, որի ընթացքում ևս առաջարկվեց հստակեցնել հղիության ախտաբանության համավճարի ներդրման մեխանիզմները:
Միաժամանակ տեղեկացնում ենք, որ մարտի 8-ից մինչև ապրիլի 7-ը հայտարարված կանանց առողջության պահպանման միամսյակի ընթացքում ամբուլատոր պոլիկլինիկական օղակում լաբորատոր-գործիքային հետազոտությունների համար ներդրված համավճարը կանանց համար չի գործի: Այդ օրերին ինչպես մայրաքաղաքի, այնպես էլ մարզային բազմաթիվ բժշկական կազմակերպություններում կիրականացվեն մանկաբարձագինեկոլոգիական և նեղ մասնագիտական անվճար խորհրդատվություններ, հետազոտություններ, իսկ անհրաժեշտության դեպքում` նաև բուժում և վիրահատություն։
Կանանց և երեխաների առողջության պահպանումը առողջապահության նախարարության քաղաքականության գերակա ուղղություն է: Մայրության և գեղեցկության տոնի կապակցությամբ ՀՀ առողջապահության նախարար Դերենիկ Դումանյանի նախաձեռնությամբ կանանց առողջության միամսյակի կազմակերպումը նպատակ ունի հոգ տանելու կանանց և նրանց ընտանիքների առողջության համար:
ՀՀ առողջապահության նախարարություն
Ոչ մի համավճար էլ կոռուպցիան չի նվազեցնի:Քանի դեռ բուժաշխատողները արժանավայել չեն վարձատրվում ստիպված են ինչ-որ գումարներ ակնկալել՝ընդամենը իրենց գոյությունը պահելու համար: Պետք է աշխատավարձը դարձնել այնպիսին,որ բուժաշխատողը կարողանա մարդավայել ապրել:Թե չէ բուժաշխատողներին դարձրին այս ազգի թշնամի,չկա մեկը,որ հարց տա՝ թե գիշեր ու զօր աշխատող բժիշկը,բուժքույրը կամ սանիտարը ինպես կարող է իր ստացած ,,թշվառական աշխատավարձով,, ընտանիք պահել: