Aravot.am-ը հայտնել էր, որ կեղծված դիպլոմով ատենախոսություն է պաշտպանվել, ինչը երեկ հաստատել էր նաեւ Բարձրագույն որակավորման հանձնաժողովի (ԲՈՀ) նախագահ Լիլիթ Արզումանյանը: ԲՈՀ-ի նախագահը, սակայն, «փակագծեր չէր բացել», այլ ընդամենն ասել էր, որ այժմ քննություն է գնում եւ արդյունքներին ԲՈՀ-ում տեղյակ չեն:
Aravot.am-ը կեղծված դիպլոմով ատենախոսության վերաբերյալ մեկնաբանության ակնկալիքով կապվեց նաեւ ԿԳ նախարարության հասարակայնության հետ կապերի վարչության հետ: Գերատեսչությունից հայտնեցին, որ առայժմ ձեռնպահ կմնան ինչ-ինչ մեկնաբանություններ անելուց:
Մեր տեղեկություններով, ատենախոսությունը, որով այժմ զբաղվում է ԱԱԾ-ն, կենսաբանության ոլորտից է, ավելին, այն պաշտպանվել է Փորձարարական կենսաբանության 042 խորհրդում, որի պատասխանատուներից մեկն էլ, ըստ ԲՈՀ-ի կայքի ԳԱԱ Մոլեկուլյար կենսաբանության ինստիտուտի տնօրեն Աննա Բոյաջյանն է:
Տիկին Բոյաջանի հետ կապվել չհաջողվեց, որովհետեւ ինստիտուտից Aravot.am-ին տեղեկացրին, թե նա կարեւոր ժողովի է, եւ այսօր ազատ ժամանակ չի ունենա: Ըստ մեր տեղեկությունների, կեղծված դիպլոմով ատենախոսություն պաշտպանողի անունը Ռոզա Իզմիրլյան է, գիտական աշխատանքի ղեկավարն էլ չինացի է:
Կարդացեք նաև
Գոհար ՀԱԿՈԲՅԱՆ
