Ղրիմի գերագույն խորհրդի շենքը շարունակում է մնալ գրավված, զինված անձանց կողմից: Այս մասին հաղորդում է Интерфакс-Украина-ն, նշելով, որ շենքի ներսում գտնվողները համաձայնվել են ներս թողնել խորհրդի մի քանի անդամների, որոնց թվում Վլադիմիր Կոնստանտինովն է:
Խորհրդարանի շենքը շարունակում է շրջափակված մնալ ոստիկանների կողմից, պատճառը՝ երեկվա լարված մթնոլորտն է:
Ուկրաինայի գլխավոր դատախազությունը Ղրիմի գերագույն խորհրդի շենքը անհայտ,զինված անձանց կողմից գրավված լինելու փաստի առիթով, ահաբեկչության մեղադրանքով, քրեական գործ է հարուցել:
Եվա ՀԱԿՈԲՅԱՆ
