Ուկրաինայի նախկին ղեկավարներ Լեոնիդ Կրավչուկը, լեոնիդ Կուչման եւ Վիկտոր Յուշչենկոն հայտարարություն են տարածել այն մասին, որով երկրի ներքին գործերին, մասնավորապես՝ Ղրիմի իրավիճակին միջամտելու մեջ մեղադրում են Մոսկվային: Utro.ru-ի փոխանցմամբ`եռյակը համատեղ հայտարարությամբ քննադատել է ՌԴ Պետդումայի պատգամավորների գործողությունները, որոնք առաջարկել են թերակղզին միացնել Ռուսաստանի կազմին:
Հայտարարության մեջ մասնավորապես նշվում է`«Ռուսաստանը բոլոր ժամանակներում միջամտել է Ուկրաինայի ներքին գործերին: Պետդումայի ներկայացուցիչների գաղափարները՝ ուղղված Ղրիմը Ռուսաստանին միանալու վերաբերյալ հանրաքվե անցկացնելուն` պետք է դատապարտվի, իբրեւ Ուկրաինայի սահմանադրական կարգը եւ երկրի տարածքային ամբողջականությունը տապալելու կոչ»:
Եվա ՀԱԿՈԲՅԱՆ
