Այսօր Շիրակի մարզի ընդհանուր իրավասության դատարանում պաշտպանական ճառով հանդես եկավ նաև Վարդան Ղուկասյանի դստեր փեսացուի` Կարեն Եսայանի սպանության մեջ մեղադրվող Հարություն Սարգսյանի երկրորդ փաստաբանը` Հունան Բաբայանը: Նա, անդրադառնալով այն մեղադրանքին, որ Հարություն Սարգսյանը սպանություն է կատարել խանդի հողի վրա, ասաց. «Իմ մոտ այնպիսի տպավորություն է, որ Գյումրին ՀՀ տարածաշրջանի ամենավտանգավոր քաղաքն է, որտեղ մարդիկ իրար սիրում են առանց ճանաչելու, խանդում են առանց ճանաչելու»: Փաստաբանը հայտարարեց, որ նախաքննական մարմինը այս մի վարկածի վրա կանգ առնելով, չի դիտարկել այլ վարկածներ:
Նա խոսեց նաև այն մասին, որ վկաների մեծ մասը քննչական են հրավիրվել ստիպողաբար, ճնշումների ու հոգեբանական բռնությունների ներքո. երկու օր մնացել են ոստիկանության ստորաբաժանումներում: Փաստաբանը անդրադարձավ նաև մեղադրանքում տեղ գտած Հարություն Սարգսյանի բնութագրին, համաձայն որի, նա խանդոտ ու քինախնդիր անձ է: «Վկաները, որոնք ըստ նախաքննական ցուցմունքի, Հարություն Սարգսյանին խանդոտ, ագրեսիվ, քինախնդիր էին համարում, եկան դատարան ու ապացուցեցին, որ նա հավասարակշռված անձնավորություն է: Այսինքն` ապացույցները արհեստական էին փորձել ստեղծել»,- ասաց Հունան Բաբայանը:
Այնուհետ անդրադառնալով Հարություն Սարգսյանի մոր` Անահիտ Նիկոլյանի` դատարանին տված ցուցմունքին, ըստ որի նշանադրության կապակցությամբ վիճաբանություն է տեղի ունեցել Կարեն Եսայանի ու Վարդան Ղուկասյանի որդու` Սպարտակի միջև, փաստաբանն ասաց, որ դատարանը, որպես վկա դատարան չհրավիրեց անգամ Սպարտակ Ղուկասյանին, չհարցաքննեց նրան ու չպարզեց` ինչ հեռախոսահամարներ է ունեցել վերջինս, որ տիրույթներում է օգտագործել: Ըստ փաստաբանի, դատարանը , նույնիսկ մերժեց իրենց միջնորդությունը, երբ մասնավորապես հարցման արդյունքում իրենք ձեռք էին բերել վկա, ով կփաստեր Կարենի ու Սպարտակի հակասությունը:
«Մենք հակված չենք մտածելու, որ քննչական մեծ խումբը չի տեսել այս վարկածները, միտումնավոր չի տեսել, որ որևէ մեկը չվնասվի ու գործը հասնի դատարան: Օբյեկտիվ ու բազմակողմանի քննություն չի տարվել»,-եզրափակեց Հունան Բաբայանը: Նա ևս դատավոր Մարտին Սարոյանին խնդրեց Հարություն Սարգսյանին արդարացնել `չեղյալ համարելով Քրեական օրենսգրքի 104 հոդվածի 1-ին մասով նրան առաջադրված մեղադրանքը:
Կարդացեք նաև
Նունե ԱՐԵՎՇԱՏՅԱՆ
մԻԱԿՈՂՄՆԱՆԻԵ
մԻԱԿՈՂՄԱՆԻ ԵՔ լուսաբանում, էդ մեղադրյալը, մի բան ասեմ , հեչ հացադուլավորի տեսք չունի,Անահիտ Նիկոլյանը , նրա մայրը, Բարգավաճից ընտրական հանձնաժողովի քարտուղար էր և Մարտունիկ Գրիգորյանի վստահված անձը 2012 թվականի մայիսի ընտրություններում, չեք մտածում, թե ում մատն է իրականում խառը այդ սպանության մեջ? քաղաքում շատ հետաքրքիր բաներ են խոսում էդ պատգամավորի և սպանության հետ նրա առնչության մասին