Թուրքիայի ընդդիմության առաջնորդ Քեմալ Քիլիչդարօղլուն, խոսելով վարչապետ Ռեջեփ Թայիփ Էրդողանի և նրա որդու հեռախոսազրույցի ձայնագրության մասին, համեմատել է այն Արարատ լեռան հետ: Գրում է «Հուրիեթ» թերթը:
«Մենք դրանք ստուգել ենք երեք չորս տարբեր եղանակներով: Այս ձայնագրություն իրական է, ինչպես Արարատ լեռը կամ Էրջիյաս (Արգեոս) լեռը», – «Ժողովրդա-հանրապետական» կուսակցության նախագահն ասել է փետրարի 25-ին խորհրդարանում:
Համացանցում հայտնված ձայնագրությունում Էրդողանն իր որդուն՝ Բիլալ Էրդողանին, հանձնարարում է թաքցնել տանը պահված 1 միլիարդ եվրոն: Վարչապետն այդ ձայնագրությունը կեղծիք է համարել:
Քիլիչդարօղլուն, դիմելով Էդրողանին, զգուշացրել է, որ շուտով նոր բացահայտումներ տեղի կունենան.
«Դու մեքենաներով և բեռնատարներով դոլարներ, եվրոներ ու թուրքական լիրաներ ես տեղափոխել, բայց շուտով նոր բաներ կբացահայտվեն: Իմ խորհուրդը քեզ՝ ուղղաթիռ վերցրու ու թռչի արտասահման ու հրաժարական տուր: Նրանք ովքեր թալանում են երկիրը չեն կարող վարչապետ մնալ: Մենք չենք կարող Ռեջեփ Թայիփ Էրդողանին այլևս վարչապետ ընդունել: Կառավարությունը կորցրել է իր լեգիտիմությունը», – ասել է նա՝ ավելացնելով, որ ամենաշատն իրեն տխրեցնում է այն, որ Էրդողանն իր զավակներին ներգրավում է իր հանցանքների մեջ:
Պատրաստեց Հովհաննես ԻՇԽԱՆՅԱՆԸ
Կարդացեք նաև
