«Դուք հարցերին բավականին խիստ ու երկար եք պատասխանում, դա հաճելի է, սակայն մի հարցում դուք ձեզ հակասեցիք»,-Մարտի 1-ի հանձնաժողով ստեղծելու հարցի քննարկումների ժամանակ հարցը ներկայացնող Գագիկ Ջհանգիրյանին դիմեց ՀՀԿ-ական պատագամավոր Մարգարիտ Եսայանը`շարունակելով, որ ինքը հարգում է բանախոսի հռետորական արվեստը եւ իրավաբանական գիտելիքները: Գագիկ Ջհանգիրյանը պատասխանեց. «Տարբեր մարդիկ տարբեր բաներից են բավարարվում: Ես բավականություն չեմ ստանում երկարուբարակ ելույթներից, ես այլ բաներից եմ հաճույք ստանում»:
Մարգարիտ Եսայանն իր խոսքում հակադարձեց. «Ես չեմ անդրադառնա ձեր ռեպլիկին՝ հաճույք ստանալու պահով, թողնում եմ ձեր ճաշակին»: Պատգամավորն ասաց, որ ինքը, ինչպես մեկ տարի առաջ, այնպես էլ այժմ, դեմ է լինելու այս հանձնաժողովի ստեղծմանը եւ այդ մասին առավել հանգամանալից կանդրադառնա իր ելույթում: «Ես չէի զարմանա, քանի որ Գալուստ Սահակյանն այդ մասին արդեն երեկ հայտարարել է, եւ հետեւաբար, դուք չէիք կարող կողմ լինել»,- հակադարեց Ջհանգիրյանը:
ԱԺ պատգամավոր Խաչատուր Քոքոբելյանն էլ, մինչ հարց կուղղեր Գագիկ Ջհանգիրյանին, նկատեց. «Մարգարիտայից հետո դժվար է հարցադրումներ անել»:
Նելլի ԳՐԻԳՈՐՅԱՆ
Ընկեր մարգոն օր -օրի բացահայտում է իր մտավոր սնանկությունը և ավելի ու ավելի ծիծաղելի է դառնում,,,,
Լավ է` կեղծ սեթևեթանքներին վերջ տա’ ……