Եվրոմիությունը քննարկում է Ուկրաինային երկարաժամկետ և կարճաժամկետ վարկ տրամադրելու հնարավորության հարցը, հայտնել է Եվրոմիության արտաքին քաղաքականության հարցերով գերագույն հանձնակատար Քեթրին Էշթոնը: Փոխանցում է ուկրաինական «Ինտերֆաքս»-ը:
«Մենք ակտիվ շփման մեջ ենք մեր գործընկերների հետ, որպեսզի տնտեսական դժվարությունները հաղթահարելու միջոցներ գտնենք: Մասնավորապես այս հարցում մենք ակտիվ համագործակցում ենք Միջազգային արժույթի հիմնադրամի հետ: Մենք մտածում ենք կարճաժամկետ վարկերը համադրել երկարաժամկետ վարկերի հետ», – ասել է Էշթոն:
Ուկրաինային ֆինանսական օժանդակություն ցուցաբերելու պատրաստակամություն էր հայտնել նաև Մեծ Բրիտանիայի Ֆինանսների նախարար Ջորջ Օսբորնը՝ եվրոպական այլ երկրներին ևս կոչ անելով պատրաստ լինել Ուկրաինային դրամական աջակցություն ցուցաբերելու հարցում:
Պատրաստեց Հովհաննես ԻՇԽԱՆՅԱՆԸ
