Ուկրաինայի նախագահի պաշտոնակատար Ալեքսանդր Տուրչինովը հայտարարել է, որ երկրի համար առաջնահերթություն է մնում Եվրամիությանը ինտերգրվելը: Նախագահի պաշտոնակատարը, առանձնահատուկ ուշադրություն դարձնելով Ուկրաինայի տնտեսությանը, ասել է, որ պետք է վերադառնալ եվրոպական երկրների մեծ ընտանիք, միեւնույն ժամանակ երկխոսություն պահպանելով Ռուսաստանի հետ. «Այն ինչ մենք ժառանգել ենք Յանուկովիչի եւ Ազարովի կառավարությունից՝ դժվար է ավերակ անվանել: Ուկրաինայի տնտեսությունը կործանման եզրին է»,-նշել է Տուրչինովը՝ ավելացնելով, որ խորհրդարանական նոր մեծամասնություն ստեղծելուց հետո նոր կառավարություն կձեւավորվի, որի գերխնդիրը կլինի երկիրը ճգնաժամից հանելը, դրամի կայունացումը, կենսաթոշակները ժամանակին վճարելը, ներմուծողների վստահությունը վերականգնելը, արտադրության խթանումը, նոր աշխատատեղերով մարդկանց ապահովելը:
Տուրչինովը նաեւ հավաստիացրել է, որ նոր իշխանությունը կպատժի անջատողականներին, նաեւ նրանց, ովքեր երկրի ամբողջականության դեմ ոտնձգություններ թույլ կտան:
