Այսօր ԱԺ պետաիրավական հանձնաժողովի նիստում ՀԱԿ խմբակցությունը մինչեւ մեկ տարով հետաձգեց «Արտակարգ դրության իրավական ռեժիմի մասին» Հայաստանի Հանրապետության օրենքում փոփոխություններ կատարելու մասին» ՀՀ օրենքի նախագիծը:
Օրինագծի հեղինակներից Գագիկ Ջհանգիրյանն այդ հետաձգումը բացատրեց նրանով, որ ՀԱԿ-ը երկուշաբթի օրը մտադիր է Մարտի 1-ի հանձնաժողովի հարցը մտցնել օրակարգ: Իսկ Արտակարգ դրության վերաբերյալ հարցը, ըստ պարոն Ջհանգիրյանի՝ «ՄԻՆՉԵՎ մեկ տարով է հետաձգվել, այսինքն՝ կարող է մի շաբաթից էլ դնենք»:
Պետաիրավական հանձնաժողովը կրկին լսեց Քննչական կոմիտեի վերաբերյալ օրինագիծը եւ դրական եզրակացություն տվեց դրան:
Մելանյա ԲԱՐՍԵՂՅԱՆ
