Ռուսական Pussy Riot երաժշտական խումբը ներկայացրել է հերթական սկանդալային տեսահոլովակը: Ինչպես թվիթերյան իր էջում գրել է խմբի անդամ Նադեժդա Տոլոկոննիկովան, «Պուտինը կսովորեցնի քեզ սիրել հայրենիքը» երգը նվիրվում է Բոլոտնայայի ձերբակալվածներին, կոռումպացված Օլիմպիադային, բնապահպան Վիտիշկոյին և Ռուսաստանում ազատության ճնշմանը:
Մի քանի ժամվա ընթացքում տասնյակ հազարավոր դիտումներ գրանցած տեսահոլովակում ներառված են ինչպես բեմադրված կադրեր, այնպես էլ նախօրեին խմբի անդամների նկատմամբ կիրառված բռնությունների տեսագրությունները:
Հիշեցնենք՝ վերջին օրերին խմբի անդամներ Նադեժդա Տոլոկոննիկովան և Մարիա Ալյոխինան նախ բերման են ենթարկվել Սոչիում՝ Ռուսաստանի Անվտանգության դաշնային ծառայության սահմանապահ ծառայությունների, իսկ այնուհետ՝ քաղաքի ոստիկանության և քրեական հետախուզության կողմից: Խմբի անդամների խոսքերով՝ իրենց բերման են ենթարկել գողության մեղադրանքով: Մի քանի ամիս առաջ բանտից համաներմամբ ազատ արձակված երգչուհիներին Սոչիում երեք օր շարունակ ձերբակալելուց և 7-10 ժամ ոստիկանությունում պահելուց հետո էլ, տեսահոլովակ նկարահանելու պահին, հարձակվել են մի խումբ կազակներ և սկսել մահակներով ծեծել նրանց.:
Լիլիթ Հարությունյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
