«Քաղաքական դաշտում համախմբումը տեղի է ունենում ոչ թե քաղաքական ուժերի շուրջ, այլ կոնկրետ հարցերի՝ ինչպես դա տեղի ունեցավ, օրինակ, գազային պայմանագրերի շուրջ: Քաղաքական դաշտում միշտ համախմբվում են գործողությունների ոչ թե այս կամ այն ուժի շուրջ»,- «Առաջին լրատվական»-ի հետ զրույցում նման տեսակետ հայտնեց քաղաքական և ընտրական տեխնոլոգիաների փորձագետ Արմեն Բադալյանը:
«Առայժմ համախմբում տեղի է ունեցել գազային արձանագրությունների շուրջ, որը սակայն չհաջողվեց կանխել: Չորս ոչ իշխանական ուժեր էլ գործընթաց են սկսել և ցանկանում են համախմբվել մեկ այլ հարցի շուրջ՝ կառավարությանն անվստահություն հայտնելու և Մարտի մեկի հանձնաժողով ստեղծելու կապակցությամբ: Թե հիմա ինչքանով կհաջողվի այդ համախմբումն իրականացնել՝ հայտնի չէ»,- ասաց նա:
Բադալյանի խոսքերով՝ կարող են համախմբվել և, ասենք, կառավարությանն անվստահություն հայտնելու շուրջ, բայց երբ որ դա մտնի կառավարություն ու դրան դեմ լինի գործող նախագահը և նրա կուսակցությունը, բնականաբար այդ համախմբումը որևէ արդյունք չի տա․ «Կոնկրետ վարչապետի հարցով մեկ այլ հանգամանք էլ կա՝ այն, որ Հայաստանի ինքնիշխանության մակարդակն այնքան է իջել, որ վարչապետի փոխելու հարցը կախված է Մոսկվայի թույլտվությունից:
Մարիամ Գրիգորյան
Կարդացեք նաև
Նյութի մանրամասները կարդացեք սկզբնաղբյուր կայքում
