Վեց ամիս հետո Carrefour ֆրանսիական սուպերմարկետների ցանցը ներկայացված կլինի Հայաստանում, այն կտեղակայվի նորաբաց «Երևան մոլ»-ում: Այս մասին «Ազատության» հետ զրույցում տեղեկացրեց «Քարֆուրի» հայաստանյան ներկայացուցիչ Քրիստիան դը Նալը:
Վերջինիս փոխանցմամբ՝ արդեն երկար ժամանակ է, որ իրենք ծրագրում էին Երևան գալ և առաջիկա 6 ամիսների ընթացքում պատրաստ կլինեն ներկայանալ իրենց ապրանքատեսակներով:
Ի պատասխան մեր հարցի, թե արդյոք ճ՞իշտ է, որ ընկերությունը որոշակի խնդիրներ է ունեցել հայաստանյան շուկա մուտք գործելու համար, Քրիստիան դը Նալը պատասխանեց՝ բոլորովին ոչ:
«Մենք շատ ուրախ ենք, որ ներկայացված ենք լինելու Հայաստանում՝ ի շահ ողջ հայ ժողովրդի, հայ գնորդների, և դա շատ կարևոր է մեզ համար»,- ասաց Carrefour-ի ներկայացուցիչը։
Մանրամասները կարող եք կարդալ` Ազատություն ռ/կ-ի կայքում
