«Կաշկանդող հանգամանքներն այնքան շատ են՝ կապված քաղաքական այդ կառույցի և նրա երևելիների անցյալի հետ, որ առաջին արձագանքն է՝ մերժել առաջարկը: Ու շատ շատերը այդպես էլ կվարվեն»,- «Առաջին լրատվական»-ի հետ զրույցում ասաց Քաղաքական ուսումնասիրությունների «Վերելք» հիմնադրամի նախագահ, փորձագետ Արծրուն Պեպանյանը՝ անդրադառնալով քաղաքական ուժերին, քաղաքացիական նախաձեռնություններին ուղղված կոնսոլիդացվելու վերաբերյալ ԲՀԿ առաջնորդ Գագիկ Ծառուկյանի առաջարկին:
«Բայց հիմա եկեք հույզերը դնենք մի կողմ ու բաց աչքերով նայենք իրականությանը: Իշխանություններն ապրում են մեկ այլ՝ Հայաստանի հետ բացարձակապես կապ չունեցող երկրում, և նրանցից բարեփոխումներ սպասելը անմտության պես բան է: Արմատական ընդդիմությունը քարուքանդ վիճակում է, երկիրն այս անմխիթար դրությունից դուրս բերելու իրատեսական առաջարկ նրանք չեն հնչեցնում: Քանիցս ասել եմ, որ Հայաստանի նման միապետական երկրում, որտեղ պետական ինստիտուտներ չկան, ու մի անձ է որոշում կայացնում, որևէ մեծահարուստ չի կարող անգամ կիսաընդդիմադիր կուսակցություն ստեղծել. նրան սաստելը հինգ րոպեի գործ է: Այնպես որ՝ եթե ԲՀԿ-ն քննադատում է իշխանություններին ու դեռ գործում է, ապա այս փաստը լուրջ մտորելու տեղիք է տալիս»,- ասաց Պեպանյանը:
Փորձագետը հավելեց, որ նույնիսկ այս պարագայում կարելի է քննարկել քաղաքական քննարկումների հրավերը՝ հուսալով, որ դրանից երկիրը փոքրիշատե կշահի. « Ո՞րն է մերժելու այլընտրանքը: Հանգիստ նայե՞լը, թե ինչպես է պետության նավը սուզվում: Սեպտեմբերին էլ Րաֆֆի Հովհաննիսյանը հանդես եկավ քաղաքական քննարկումների առաջարկով, ու ընդդիմադիր կուսակցությունները ոչ միայն մերժեցին, այլև առիթից օգտվելով՝ «անցան» նրա վրայով. ասես իրենք սրբեր են ու միայն հաղթանակներ են բերել իրենց համակիրներին ու ժողովրդին: Ի՞նչ շահեցինք արդյունքում. մերժողները փրկեցի՞ն երկիրը…
Մարիամ Գրիգորյան
Կարդացեք նաև
Նյութի մանրամասները կարդացեք սկզբնաղբյուր կայքում
