Ուկրաինայի անվտանգության ծառայությունը հայտնել է երկրում հակաահաբեկչական գործողություններ իրականացնելու մասին, ասված է ՈւԱԾ-ի ղեկավար Ալեքսանդր Յակիմենկոյի հայտարարության մեջ: Փոխանցում է «Լենտա.ռու» լրատվականը:
Յակիմենկոն նշել է, որ Ուկրաինայի վերջին դեպքերը «ցույց տվեցին, որ ուժային առճակատման լարվածությունը և արմատական խմբավորումների զենքի զանգվածային օգտագործումը մեծանում է»: Ըստ ՈՒԱԾ-ի, ընդդիմադիր ակտիվիստների ձեռքն է անցել ավելի, քան 1500 միավոր հրազեն և 100 հազար փամփուշտ:
«Այսօր տեղի է ունենում գիտակցված, նպատակաուղղված բռնություններ հրկիզման միջոցով, սպանություններ, պատանդների առևանգում, հանցավոր նպատակներին հասնելու համար մարդկանց ահաբեկում: Սա ահաբեկչության դրսևորում չէ, սա իսկական ահաբեկչական գործողություն է», – հայտնել է Յակիմենկոն և նշել, որ երկրի նախագահին արդեն տեղյակ են պահել ծրագրի մասին:
Կարդացեք նաև
Պատրաստեց Հովհաննես ԻՇԽԱՆՅԱՆԸ
