«Կիևում տեղի ունեցող արյունահեղությունները կատարվում են Կրեմլի հրամանով: Հերթական 2 միլիարդ դոլարի մասնաբաժնով Ռուսաստանի նախագահը գնեց Յանուկովիչից ցուցարարներին բռնի ուժով ցրելու իրավունքը, որովհետև խաղաղ եվրոպական Ուկրաինան Պուտինի վերջն է»,- ասել է Վրաստանի նախկին նախագահ Միխեիլ Սահակաշվիլին «5-րդ ալիք» հեռուստակայանին տված հարցազրույցում: Փոխանցում է «Գորդոն» լրատվականը:
«Կարծում եմ, որ Վլադիմիր Պուտինը այն 2 միլիարդ դոլարով, որը վճարեց Յանուկովիչին այս շաբաթ, գնեց Ուկրաինայի ինքնիշխանությունը, գնեց ցույցերը ցրելու իրավունքը՝ այն արյունահեղությունների, որոնք տեղի են ունենում Կիևում», – ասել է Սահակաշվիլին:
«Խնդիրը հակամարտող երկու կողմերի մեջ չէ: Միայն կառավարությունը կա, որը կրակում է սեփական ժողովրդի վրա: Կա Ուկրաինայի իշխանությունը, որը Մոսկվայի ճնշման կամ թելադրանքով գործում է իր սեփական ժողովրդի դեմ: Պուտինի համար եսի խնդիր կա. եթե Ուկրաինան դառնա խաղաղ եվրոպական ժողովրդավարական երկիր, դա կլինի Պուտինը վերջի սկիզբը», – պնդել է նա և կոչ արել Եվրոպային, որ իրական գործողությունների անցնեն Ուկրաինայի հարցում, ոչ թե պարբերաբար անհանգստություն հայտնեն:
Կարդացեք նաև
Պատրաստեց Հովհաննես ԻՇԽԱՆՅԱՆԸ
