Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մեսրոպ Մակյանը բավարարեց «Բանդայի գործով» ամբաստանյալ Քյարամ Ամոյանի պաշտպան Սամվել Հովհաննիսյանի միջնորդությունը:
Խորհրդակցական սենյակից դուրս գալով՝ նա հրապարակեց որոշման եզրափակիչ մասը, համաձայն որի՝ սույն քրեական գործով նշանակվեց ամբուլատոր դատահոգեբուժական փորձաքննություն:
Փորձագետները զգուշացվել են քրեական պատասխանատվության ենթարկվելու մասին, ինչպես նաեւ նրանց տրվել է հետեւյալ հարցադրումը. հաշվի առնելով անցյալ տարվա հուլիսին փորձագիտական եզրակացությամբ ամրագրված այն փաստը, որ Քյարամ Ամոյանը ճանաչվել է սահմանափակ մեղսունակ, արդյոք առկա է Քյարամ Ամոյանի առողջական վիճակի վատթարացում փորձագիտական եզրակացությունը տալուց հետո եւ նա կարո՞ղ է մասնակցել դատավարական քննչական գործողությունների: Դատավոր Մեսրոպ Մակյանը հայտնեց, որ մինչեւ տվյալ ապացույցի ստացումը դատական նիստեր չեն լինի. այն հետաձգվեց մեկ ամսով, նշանակվեց մարտի 19-ին:
Ի դեպ, Քյարամ Ամոյանը գրավոր դիմել էր դատարանին, որ համաձայն է , որպեսզի դատական նիստերն անցկացվեն առանց իր մասնակցության:
Կարդացեք նաև
Ռուզան ՄԻՆԱՍՅԱՆ
