Արաբոյի Մանվելը՝ «Արաբո» ջոկատի հրամանատար Մանվել Եղիազարյանը կոչ է անում իրենց երկրապահ համարող անձանց մանրամասն ու հանգամանալից պատմել, թե որտեղ են կռվել ու որտեղ՝ արյուն թափել:
Tert.am-ի հետ զրույցում «Երկրապահ կամավորականների միության» վերջին համագումարից հետո ակնառու դարձած փաստերի վերաբերյալ, որ օրինակ՝ Սամվել Ալեքսանյանն էլ է նախկին ազատամարտիկ, Մանվել Եղիազարյանն ասաց. «Ես Նախագահի ելույթի մասին ոչինչ չեմ ուզում ասել, միայն մեկ բան կարող եմ ասել, երբ 90 թվականին Գետաշեն -Մարտունաշենում մեր արյունն էր թափվում, երբ 91 -ի ապրիլի 10-ին ես վիրավորել եմ, Ղարաբաղում նույն ժամանակ գոռում էին՝ «Լենին, պարտիա, Գորբաչով»: Կռվել ենք Լաչինում, Մարտակերտում, Շահումյանում։ Իրենք ո՞ւր էին այդ ժամանակ։ «Արաբոյից» Արամ Կարապետյանը երեք տեղից վիրավորվել էր… Հիմա ես դրանք պատմում եմ նրա համար, որ ներկայացնեմ իմ ու իմ ջոկատի տղերքի ու իրենց տարբերությունը»:
Այնպես որ, «նորահայտ երկրապահներին» Մանվել Եղիազարյանը կոչ է անում, որ մի քանի դեպք-դրվագ էլ իրենք պատմեն իրենց մարտական ուղուց: «Թե որտեղ են կռվել, որտեղ են արյուն թափել, դոշ տվել հայրենիքի համար։ Չստացվի, թե մենք նվնվում ենք, իրենք էլ այսպես հայրենասեր են դարձել»,- ասաց նախկին ազատամարտիկը:
Նյութի մանրամասները կարդացեք Tert.am -ի կայքում
