Հայաստանում են գտնվում Միջխորհրդարանական Միության բրիտանական խմբի անդամները եւ արդեն իսկ հասցրել են մի շարք բարձրաստիճան հանդիպումներ ունենալ։ Հատված պատվիրակության ղեկավար, պահպանողական Ջոն Ուիթինգդեյի հարցազրույցից:
– Երբ Հայաստանը պաշտոնապես հայտարարեց իր՝ Եվրասիական միության ձգտումների մասին, որոշ եվրոպացի պատգամավորների մոտ հետաքրքրության պակաս դրսեւորվեց ՀՀ–ի նկատմամբ։ Բրիտանացի խորհրդականները ի՞նչ են մտածում այս առումով, ձեզ մոտ մնան միտում նկատվո՞ւմ է:
– Մենք ակնհայտորեն զարմացած էինք Հայաստանի՝ ՄՄ մտնելու հայտարարությամբ։ Իմ Հայաստան կատարած նախկին այցերից մեկի ընթացքում, որն անցյալ տարվա սեպտեմբերի երեքից առաջ էր, ում հետ խոսում էի, բոլորը կարծում էին, որ Ասոցացման համաձայնագիրը, որը պատրաստվում էր, մի նպատակ է, որին պետք է հասնել, որի շուրջ ինտենսիվ աշխատանքներ էր տարվում։ Եվ երբ նախագահը որոշեց հայտարարել, որ Հայաստանը միանալու է Մաքսային միությանը, մենք զարմացած էինք, եւ սա է թերեւս միակ անհասկանալի հարցը, որ կա Հայաստանի հետ կապված։ Որոշ առումով մենք հիասթափված ենք, որ Հայաստանը չի ստորագրել եւ չի էլ ստորագրի Ասոցացման համաձայնագիրը, քանի որ մենք կարծում ենք, որ այն շատ լուրջ փաստաթուղթ է եւ Հայաստանի շահերից է բխում։
Այդուհանդերձ, կարծում եմ՝ լրիվ ակնհայտ է, որ Հայաստանի՝ ՄՄ մտնելու որոշումից հետո, բրիտանական կառավարությունում Հայաստանի հանդեպ փոփոխություն չի եղել։ Բրիտանական կառավարությունը շարունակում է ամրապնդել իր կապերը Հայաստանի հետ։ Մենք ուզում ենք առաջ գնալ մեր համագործակցությունը ամրապնդելու համար, նույնիսկ եթե այլեւս չկա Ասոցացման համաձայնագիրը։
Կարդացեք նաև
Նշեմ, որ այցելել ենք այստեղ գործող բրիտանական գործարան, որտեղ մեզ ներկայացրել են այն օգուտները, որոնք եղել են այստեղ գալով եւ ներդրում կատարելով։ Մյուս կողմից էլ կուզեի ավելի շատ բրիտանական գործարաններ այստեղ տեսնել, կուզեի ավելի շատ բրիտանական ներդրողներ հետաքրքրվեն Հայաստանում իրենց բիզնեսը բացելու համար…
Ես չեմ կարծում, որ եթե Հայաստանի եւ ԵՄ-ի միջեւ Ասոցացման համաձայնագիրը չի ստորագրվել, ապա ԵՄ-ն պետք է հետ քաշվի Հայաստանից կամ էլ Հայաստանը իր հերթին հետ կանգնի ԵՄ-ի հետ համագործակցությունից։ Պետք է լինի հզոր կամք մեր հարաբերությունները շարունակելու համար։
Թագուհի ՀՈՎՀԱՆՆԻՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
