ԱԺ 4 ոչ իշխանական ուժերը ԱԺ-ում ներկայացնելու են ՀՀ կառավարության նկատմամբ անվստահության հարցը: Իշխանական դաշտից այս նախաձեռնության մասին տարբեր արձագանքներ են հնչում: Երեկ լրագրողների հետ հանդիպմանը ՀՀԿ պատգամավոր Վարդան Այվազյանն այս մասին հայտարարեց, թե այդ ուժերը ընդամենը իշխանություն նվաճելու նպատակ են հետապնդում: Այնուհետև հեգնանքով ասաց, թե «թող փորձեն» :
ՕԵԿ խմբակցության ղեկավար Հեղինե Բիշարյանը մի կողմից հայտարարում է, թե ՀՀ-ում բազում չլուծված խնդիրներ կան և «հանրությանը մտահոգող խնդիրներն ավելի արագ են աճում, քան կառավարությունն է քայլեր անում», բայց մյուս կողմից էլ պաշտպանում է կառավարությանն ու նշում. «Չորս քաղաքական ուժերը կառավարության հրաժարականն են պահանջում և առաջիկայում այդ պահանջը տանելու են առաջ: ՕԵԿ-ը խորհրդարանական ընտրություններին կնքել է կոալիցիոն պայմանագիր` մինչև 2017-ը, և որպես սկզբունքային քաղաքական ուժ, հավատարիմ է մնալու իր սկզբունքներին»:
Տիկին Բիշարյանը կառավարության աշխատանքի առիթով հիշում է մեծերի խոսքն ու ասում. «Մեր մեծերն ասել են, որ կառավարությունը պիտի դանդաղ մտածի, արագ գործի, որ մենք հասցնենք այն խնդիրների ետևից, որ մեր առաջ են ծառացած»:
Չորս ուժերի` պարտադիր կուտակային կենսաթոշակների համակարգի դեմ պայքարին անդրադառնալով տիկին Բիշարյանը նշում է, թե «ռեֆորմները լինում են դժվար ու ցավոտ, դրանք պետք է լինեն ագրեսիվ, որ կարողանան լինել նպատակային»:
Կարդացեք նաև
Սակայն «պարտադիր» բաղադրիչի դեմ տիկին Բիշարյանը որևէ պահանջ չի ներկայացնում, ընդհակառակը պնդում է, թե համակարգը արդյունավետ կլինի ոչ թե այն դեպքում, «երբ այն իրականացվի դանդաղ ու փուլային, այլ երբ իրականացվում է համարձակ կերպով»:
Aravot.am-ը կառավարության հրաժարականի և անվստահության պահանջի վերաբերյալ իշխող կուսակցությունների դիրքորոշումը փոխանցեց ԲՀԿ խոսնակ Տիգրան Ուրիխանյանին: Այս համատեքստում նաև հրապարակումներ եղան այն մասին, որ ԲՀԿ-ում հորդոր է եղել «ՀՀԿ-ականների ակնարկներին» չպատասխանել: :
Պարոն Ուրիխանյանը Aravot.am-ի հետ զրույցում չցանկացավ մեկնաբանել ոչ Վարդան Այվազյանի հեգնանքը, ոչ էլ Հեղինե Բիշարյանի` սկզբունքներին չդավաճանելու հայտարարությունն ու ասաց. «Ես պիտի Ձեզ խնդրեմ, որ Դուք ինձ հնարավորություն տաք խոսելու արդեն իսկ տեղի ունեցած և փաստացի տեղի ունեցող իրադարձությունների մասին: Երբ չորս ուժերը հանդես գան պահանջով, այդ ժամանակ կարծիք կհայտնեմ: Ամեն ինչ տեղի է ունենում հանրության աչքի առաջ, դա մարդիկ կարող են մեկնաբանել»:
Մեր հարցին` արդյոք ՀՀ կառավարության հրաժարականի պահանջը օրակարգայի՞ն է, պարոն Ուրիխանյանն այսպես արձագանքեց. «Չորս ոչ իշխանական ուժերը քննարկում են այդ հարցը»:
Տաթև ՀԱՐՈՒԹՅՈՒՆՅԱՆ
Այս կառավարության օրոք քո և կուս. ղեկավարիդ բիզնեսն է ծաղկել և կոալիցյոն ընկերներիդ
օվշորային սկանդալները:
Իսկ ,,կզբունքային,, բառը անվերջ կրկնեք` հանկարծ չմոռանաք, մորաբա բաժանող ստորներ…
Ասում են այս կինը մի այնպիսի բան ունի, որ ոչ մի տղամարդ չունի։ Եթե որևէ մեկը գիտի թե ինչ ունի խնդրում եմ ասեք, շատ հետաքրքիր է։
Բարոյականության կաթիլ է պետք ունենալ “սկզբունքային” բառն արտաբերելու համար: