Սերջիո (Սարգիս) Մուշեղյանը, որը վերջինն էր Իտալիայի հարավային Կալաբրիա շրջանի Չերկիարա համայնքում Հայոց ցեղասպանությունը վերապրածներից, մահացել է փետրվարի 16-ին՝ 98 տարեկանում: Հայտնում է ֆրանսահայ անկախ լրագրող Ժան Էքյանը:
Սարգիսը ծնվել է 1916թ. նոյեմբերի 4-ին: Նրան չորս տարեկանում Կոստանդնուպոլսից (Ստամբուլ) վերցրել և մեծացրել են իտալացի միսիոներները: Իր կյանքի մեծ մասը նա ապրել է Պուգլիայում և Կալաբրիայում:
Չերկարիայի համայնքապետը հարգանքի տուրք է մատուցել Սարգիսին՝ նրան կոչելով «բարձր արժանապատվությամբ և անչափ բարոյական» մարդ:
«Չերկիարա դի Կալաբրիայի համայնքը պատիվ է ունեցել հայերի հետ կիսելու իրենց վիշտը, որոնք դեռ սպասում են արդարության իրականցմանը: Մենք պատիվ ունեցանք ճանաչելու նրան (Սարգիսին) և իր ժողովրդի պատմությունը: Շնորհակալ ենք քեզնից, Սարգիս», – ասել է համայնքապետ Անոտոնիո Կարլոմանգոն:
Կարդացեք նաև
Իր կյանքի վերջին տարիների մեծ մասը Սարգիսը նվիրել էր իր ազգի մասին մարդկանց պատմելուն , հատկապես ապրիլի 24-ին. «Իմ ազգի ճակատագրի մասին պատմելու հնարավորությունը չպետք է կորցնեմ», – ասում էր նա:
Նրա կինը՝ Մարիամը և դուստրը՝ Վարդուհին զբաղվել են գորգագործությամբ:
Պատրաստեց Հովհաննես ԻՇԽԱՆՅԱՆԸ
