Մեր զրուցակիցն է «Դանդի փրիշս մեթալս Կապան» ՓԲԸ գլխավոր տնօրեն Հրաչ Ջաբրայանը
–Պարո՛ն Ջաբրայան, վերջերս բազմաթիվ զանգեր եմ ստանում կոմբինատի աշխատողներից, որ արդեն քանի օր է նրանք ստիպված են լինում աշխատանքի գնալ ոտքով, պատահական մեքենաներով եւ այլ տարբերակներով, քանի որ աշխատողներին ընկերություն տանող ավտոբուսներն այլեւս չեն աշխատում, ընկերության ղեկավարությունը վաճառել է ավտոբուսները եւ ցրել ավտոպարկը: Վերջիններս նշում են, որ տարիներ շարունակ կոմբինատի ղեկավարությունը միշտ հոգացել է աշխատողների տեղափոխման հարցերը եւ երբեւիցե նման խնդիրների առաջ կանգ չեն առել: Ի՞նչ պատճառներ կային՝ ավտոբուսները վաճառելու եւ տարիներ շարունակ գործող ավտոպարկը ցրելու:
– Կրկին որոշ աշխատակիցներ լրատվամիջոցներին տրամադրել են կեղծ տեղեկություններ: Ավտոբուսները չեն վաճառվել, բայց ի վերջո կվաճառվեն: Ես անձամբ հանդես եմ եկել հստակ հայտարարությամբ: Մասնավորապես տեղեկացրել եմ, որ մենք փակել ենք ավտոտրանսպորտի բաժինը, և, այդ իսկ պատճառով, տվյալ պահից սկսած և հաջորդ մի քանի շաբաթների ընթացքում մենք իրենց ավտոբուսներ չենք տրամադրի: Որպեսզի փոխհատուցենք այն փաստը, որ նրանցից ոմանք օգտվելու են տաքսի ծառայություններից՝ մենք այս ամիս ղեկավարական օղակից ներքև գտնվող յուրաքանչյուր աշխատողի վճարելու ենք 5000 դրամ բոնուս՝ ապահովելու աշխատակիցների տրանսպորտային ծախսերը: Հույս ենք հայտնել, որ հաջորդ մեկ շաբաթվա ընթացքում կլուծենք ավտոբուսային ծառայությունների հետ կապված խնդիրները և նրանց տեղյակ կպահենք, թե երբ կրկին կունենանք ավտոբուսներ:
–Ինչո՞վ էր պայմանավորված Ձեր այս որոշումը:
Կարդացեք նաև
– Մեր վարորդներից ոմանք գաղտնի կերպով տեղադրել են բաքեր այն ավտոբուսների տակ, որոնք նրանք վարում են, որպեսզի ընկերության տարածքում կարողանան դրանց մեջ լցնել դիզ.վառելիք և այնուհետև վաճառեն այդ դիզ.վառելիքը տարածքից դուրս: Ճիշտն ասած ես շատ հիասթափված եմ, ուստի որոշեցի ընդհանրապես փակել ավտոտրանսպորտի բաժինը… բացի այդ մենք պետք է վերացնենք հանքարդյունաբերությանը չառնչվող բոլոր խնդիրները, որպեսզի կարողանանք կենտրոնանալ անվտանգ արտադրության վրա՝ ապահովելու կայուն ընկերության ստեղծում:
– Ինչպե՞ ս եք մտադիր լուծել աշխատակիցների տեղափոխման հարցերը:
– Ինչպես խոստացել եմ աշխատողներին ներկայացրած նամակում՝ յուրաքանչյուր աշխատակից կստանա 5000-ական դրամ՝ օգտվելու տաքսի ծառայություններից կամ փնտրելու այլընտրանքային տրանսպորտային միջոց մինչև հարցի լուծումը, և ինչպես ես եմ հստակորեն նշել իմ նամակում՝ խնդիրը կլուծվի: Ակնկալում ենք, որ առաջիկա 5-10 օրվա ընթացքում մենք կլուծենք այս հարցը և կրկին կսկսենք բոլոր աշխատակիցներին ապահովել տրանսպորտային միջոցներով, որպեսզի նրանք, ովքեր զանգահարել են ձեզ և բողոքել, կարողանան ետ զանգահարել ձեզ և բողոքել ինչ-որ այլ բանից:
– Աշխատողները մեզ հետ ունեցած զրույցում տեղեկացրել են, որ ամսական որոշակի
գումար է տրամադրվելու՝ տրանսպորտի ծախսերի համար, սակայն դա այնքան էլ
հարմար տարբերակ չէ եւ նրանք գերադասում են աշխատանքի գնալ եւ տուն վերադառնալ ավանդական տարբերակով: Ի՞նչ կասեք սրա մասին:
– Գիտեք, կան շատ բաներ, որոնք ինձ էլ հարմար չեն, բայց կյանքը փոխվում է, ամեն
ինչ փոխվում է, և մենք պետք է հարմարվենք, այսպիսին է կյանքը՝ փոփոխություններ,
որոնք կատարում ենք և որոնց հարմարվում ենք, որպեսզի որպես մարդկային էակ
կարողանանք քայլ կատարել առաջ:
– Ի՞նչ ճակատագիր է սպասվում ավտոբուսի վարորդներին, այս փոփոխության
արդյունքում աշխատատեղե՞ր են կրճատվելու, եթե այո, ապա քանի հոգի:
– …Լավ վարորդներին ուղարկել ենք այլ ընկերություն, և ինձ ասել են, որ այդ
ընկերությունը աշխատանքի կընդունի նրանց՝ ավտոբուսներ վարելու նրանց համար:
Մենք հանքարդյունաբերական ընկերություն ենք, այլ ոչ ավտոտրանսպորտային
ընկերություն…ով հիմնել է այս բաժինը անցյալում, վստահ չեմ, թե երբ է հիմնել,
սխալվել է, մենք պետք է կենտրոնանանք անվտանգ արտադրության վրա, այլ ոչ թե
ավտոտրանսպորտային ծառայությունների վրա:
– Վերջին շրջանում լուրեր են շրջանառվում, որ կոմբինատը հնարավոր է նոր
սեփականատիրոջ վաճառվի եւ ղեկավարությունն էլ փոփոխվի, որքանո՞վ են
հավաստի այս տեղեկությունները:
-Առաջին անգամն է, որ նման անհիմն խոսակցություն եմ լսում…Ինչքանով ես տեղյակ եմ, դա չի համապատասխանում իրականությանը, և ես կարող եմ հավաստիացնել ձեզ, որ ԴՓՄԿ-ում տնօրինությունը չի փոխվելու:
– Մի շարք ընկերությունների ղեկավարներ աշխատողներին այս ամիս աշխատավարձ վճարելիս 5 տոկոս պարտադիր պահում են արել՝ հաշվի չառնելով
կուտակային բաղադրիչի վերաբերյալ Սահմանադրական դատարանի որոշումը:
«Դանդի փիշս մեթալ Կապան» ՓԲԸ պահումներ արե՞լ է:
– Մենք խորհրդակցել ենք մեր իրավաբանների, կառավարության ներկայացուցիչների
և մեր ֆինանսական խորհրդատուների հետ, և մենք հետևում ենք օրենքին, այնպես,
ինչպես մեզ բացատրել են: Այս պահին օրենսդրական դատարանի որոշումը, ինչպես ես եմ հասկանում, չի փոխում կառավարության որոշումը…մենք անում ենք և կանենք այն, ինչ օրենքն է մեզ թելադրում անելու:
Մերի ՍՈՂՈՄՈՆՅԱՆ
Փող լվանալու մեխանիզմը Դինօ – ում:
Հիմա ել վաճառում եք ավտոբուսները, հետո բեռնատարները, հետո ել ինչ ես ծախելու այ Հրաչ Ջաբրայան: Հերիքա մարդկանց խաբես գողությունների քողի տակ, միթե չես հասկանում որ դա նշանակումա որ դու և քո թիմը ուղղակի անընդունակ եք այդ ընկերությունը ղեկավարելու:
Իսկ քո կարծիքով մնացած ընկերությունները ինչա արտադրությամբ չեն զբաղվում, թե մենակ ավտոբուսներով մարդկանց տանում են բերում: Վերջ տվեք մեյմունություններին և պարզ ասացեք ՄԵՆՔ ՄԻ ՔԱՆԻ ՀՈԳՈՎ ԳՌՓՈՒՄ ԵՆՔ ԴԻՆՕՆ, մնացածը…