«Մենք 100 անգամ ավել ապրելու շանսեր ունենք, մեր ուղեղում կա 100 մլրդ բջիջ, որից կյանքի ընթացքում աշխատում են 1 մլրդ-ը»,- այսօր «Հենարան» ակումբում ասաց նեյրովիրաբույժ, բժշկական գիտությունների թեկնածու Նիկոլայ Խաչատրյանը:
«Ես եկել եմ Պավլովի հայտարարին՝ ենթակեղեւը ակումուլյատոր է կեղեւի համար: Ակումուլյատորը իրենից ներկայացնում է ցանցանման մի գոյացություն, որը բջիջների խումբ է ուղեղում, դրանցից ողնուղեղում չկան և այդ համակարգը համարում ենք ուղեղն ակտիվացնող համակարգ: Այդ համակարգը լիցքավորվում է քնած ժամանակ՝ մկաններից, և ցերեկը ծախսվում է այդ գիշերվա ընթացքում հավաքված էլեկտրական հոսանքը: Այն ծախսվում է ոչ միայն նյարդային համակարգի, այլև՝ ցանկացած բջջի վրա»,-ասաց Նիկոլայ Խաչատրյանը և ավելացրեց. «Ցանկացած սարք լիցքաթափվում է, երբ լիցքավորում ենք, այն սկսում է նորմալ աշխատել այնքան ժամանակ, մինչև որ ակումուլյատորը փչանում է: Նունը մարդու մոտ է: Մահը գալիս է այն ժամանակ, երբ ակումուլյատորները սպառվում են, այսինքն՝ կարելի է նորից դնել ակումուլյատորներ և այդ հարցը լուծել»:
Վերջում նեյրովիրաբույժն ավելացրեց. «Մյուս փորձս կապացուցի, որ գիշերը մկանը արտադրում է էլեկտրական էներգիա»:
Քրիստինե ԳՐԻԳՈՐՅԱՆ
