Չարժե անհարկի դրամատիզացնել իրավիճակն ու դեպրեսիայի մեջ ընկնել, թե ահա իշխանությունները վերջնականապես արժեզրկեցին ու փչացրեցին երկրապահի ինստիտուտը։ Այդ ինստիտուտը վաղուց է արժեզրկված։
Ավելին՝ արդեն 10-15 տարի է, ինչ ԵԿՄ-ի մասին անեկդոտներն ավելի շատ են, քան իսկական երկրապահները՝ ԵԿՄ շարքերում։ Բայց դե հիմա ինչ ունենք՝ դա է, այսինքն՝ հասարակության վերաբերմունքը գեներալ Մանվելի ղեկավարած կառույցի նկատմամբ պիտի լինի մոտավորապես այնպիսին, ինչպիսին, ասենք, Կարեն Ավագյանի ղեկավարած «երիտհանրապետականների» նկատմամբ է։
Հետո՞ ինչ, որ կառույցներից մեկում կոշտ ու կոպիտ տղամարդիկ են, մյուսում՝ «սաքուլիկենք»։ Փաստն այն է, որ երկուսն էլ հանուն անձնական բարեկեցության ծառայում են Սերժ Սարգսյանին, երկուսն էլ ձեւացնում են, թե չեն հասկանում՝ ինչ է տեղի ունենում իրականում, եւ երկուսն էլ իրենց այդ կեցվածքը բացատրում են «ազգի շահով» ու «միասնությամբ»։ Ու չարժե նվնվալ, թե «վայ մեզ, եթե մեր երկրապահները սրանք են» կամ «ամոթ մեզ, եթե մեր երիտասարդները սաքուլիկենք են»։ Իրականում այդպես չէ, իրականում դա ընդամենը Սերժ Սարգսյանի «ապահով Հայաստանն» է: Ապահով՝ անձամբ իր համար, որովհետեւ այդ Հայաստանում ինքը քյաշ փողով ցանկացած հարց կլուծի, իսկ քյաշ փող ինքը շատ ունի:
Մարկ ՆՇԱՆՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
