Հայաստանի ժուռնալիստների միությունը հաղորդագրություն է տարածել, որում դատապարտել է փետրվարի 12-ին Մաշտոցի պողոտայից բերման ենթարկված լրագրող Անի Գեւորգյանի հետ կապված միջադեպը։ Հատված ժուռնալիստների միության նախագահ, Երեւանի ավագանու ՀՀԿ-ական անդամ Աստղիկ Գեւորգյանի հարցազրույցից:
– Տիկին Գեւորգյան, դեկտեմբերի 26-ին՝ Տարոն Մարգարյանի ատենախոսության պաշտպանության ժամանակ, նույնպես մի խումբ ՀՀԿ–
ականներ խոչընդոտել էին լրագրողների աշխատանքը, ինչու՞ այն ժամանակ չդատապարտեցիք։
– Այն ժամանակ ես քաղաքում չէի ու չէի կարող որեւէ բան ասել։ Դեպքը մի քանի աղբյուրից պետք է մանրամասն ստուգեի, որպեսզի կարողանային կարծիք կազմել, իսկ Անիի դեպքը ստուգված է մի քանի տեղից, ու պարզ է, որ նրա աշխատանքը խոչընդոտվել է։
Կարդացեք նաև
– Բայց տնտեսագիտական համալսարանից, որտեղ տեղի է ունեցել
դեպքը, կադրեր կան, որոնցից պարզ է դառնում, որ լրագրողների աշխատանքը խոչընդոտվել է:
– Ես արդեն ասացի, որ թերի ինֆորմացիա ունեմ կապված այդ միջադեպի հետ, չեմ կարող ասել։ Նաեւ՝ քաղաքում չեմ եղել։
– Իսկ գուցե չեք ուզում խոսել այդ թեմայով, որովհետեւ ավագանու անդա՞մ եք, ՀՀԿ, այսինքն՝ Տարոն Մարգարյանի խմբակցության անդամ։
– Ոչ։ Եթե ինձ ճանաչեիք, ապա կիմանայիք, որ ես շատ անկախ մարդ եմ, ազատ արտահայտվող, չնայած ՀՀԿ ցուցակով եմ տեղ գտել ավագանիում։
Մ. Կ.
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
