Շախմատի Եվրոպայի երեւանյան առաջնության մասնակիցները շատանում են
Մարտի 3-ից 14-ը Երեւանում կայանալիք շախմատի տղամարդկանց Եվրոպայի անհատական առաջնության մասնակիցների թիվը գնալով մեծանում է: «e3e5»-ը տեղեկացնում է, որ երեկվա դրությամբ մասնակցության հայտ արդեն ներկայացրել են 26 երկրների 231 շախմատիստներ, որոնցից 133-ը գրոսմայստեր է:
Ադրբեջանի ներկայացուցիչները երեւանյան առաջնությանը չմասնակցելու որոշումը, ինչպես երեւում է, փոխելու մտադրություն չունեն:
Աշոտ ՀԱԿՈԲՅԱՆ
