Ռուսաստանի դաշնային միգրացիոն ծառայության կայքէջի տվյալների համաձայն՝ Հայաստանի ավելի քան 170 հազար քաղաքացի զրկված է Ռուսաստան մուտք գործելու իրավունքից, քանի որ արդեն խախտել է այս երկրի միգրացիոն օրենքները։
Հունվարի 1-ից սկսած առանց մուտքի վիզայի Ռուսաստան մեկնելու իրավունք ունեցող պետությունների քաղաքացիները կարող են այդ երկրի տարածքում մնալ 90 օր յուրաքանչյուր՝ 180 օրվա ընթացքում։ Ենթադրվում է, որ ՌԴ-ում մնալու երեք ամսվա ընթացքում միգրանտը արդեն պետք է ձեռք բերի աշխատանքային պայմանագիր կամ այսպես կոչված Ռուսաստանում աշխատելու համար պատենտ։
Հայաստանի քաղաքացիների նկատմամբ ՌԴ միգրացիոն օրենքների խստացումը հարցեր է առաջացրել. եթե Հայաստանը միանում է Կրեմլի նախաձեռնած Մաքսային միությանը, եթե արդեն կա «Ճանապարհային քարտեզը» և ենթադրվում է, որ արդեն այս տարի Հայաստանը պետք է դառնա Մաքսային միության լիիրավ անդամ, ինչո՞ւ Հայաստանցիները չունեն Ռուսաստանում ապրելու և աշխատելու հատուկ պայմաններ։ Նկատենք, որ ՌԴ-ում 90 օր մնալու մասին նոր օրենքը չի վերաբերում Մաքսային միության անդամ Ղազախստանի և Բելառուսի քաղաքացիներին։
Ազա Բաբայան
Կարդացեք նաև
Նյութի մանրամասները կարդացեք «Ազատություն» ռադիոկայան-ի կայքում
