Ամբաստանյալ Արման Գիվարգիզովը Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մեսրոպ Մակյանին ասաց, թե մարտի 11-ին իր ծննդյան օրն է եւ չի կարող դատարան գալ:
Երբ դատավորը հարցրեց, թե «ինչ եք պլանավորում», ամբաստանյալն ասաց, թե չի ուզում գալ, հարմար չի:
Տուժողների ներկայացուցիչ Հովիկ Արսենյանն էլ երբ ասաց, թե «միջոցառումներ» են լինելու, կալանավորն ասաց. «Հրավիրված եք»:
Դատարանը հետաձգեց այսօրվա նիստը, քանի որ երկրորդ ամբաստանյալը՝ Ալբերտ Հովհաննիսյանը չէր ներկայացել, եւ ոստիկանների միջոցով հաջորդ դատական նիստին բերման կենթարկվի: Դատարանն այդպիսի որոշում կայացրեց: Այս ամբաստանյալի համար խափանման միջոց է ընտրվել ստորագրությունը չբացակայելու մասին, մինչդեռ, ծանուցագիրը վերադարձվել էր «անհայտ է» նշագրումով:
Կարդացեք նաև
Ամբաստանյալներին մեղադրանք էր առաջադրվել այն բանի համար, որ երկու և ավելի երեխաների շահագործելու դիտավորությամբ, օգտագործելով 18 տարին չլրացած` Արարատ Կիրակոսյանի, Միսակ Բասեյանի և Վռամ Ղազարյանի` ծնողական հսկողությունից դուրս մնալու , նրանց խոցելիությունը, 2013թ. հունվարին խաբեությամբ, կեղծ խոստումներով, մուրացկանությամբ զբաղվելու համար հավաքագրել են, շահագործել են և տնօրինել Երևանի տարբեր փողոցներում վերջիններիս կողմից մուրացկանությամբ վաստակած գումարները:
Մուրացկաններին նրանք ներգրավվել են Երևանի Նոր Արեշ 46 փող. 76 հասցեում գտնվող ավտոտեխսպասարկման կետից ուրիշի զգալի չափերով գույքի գողությանը:
Ռուզան ՄԻՆԱՍՅԱՆ
